UZ

Сўнгги янгиликлар

19:37Скалони : "Энцо четлатилганидан кейин ҳам Аргентина босимни давом эттирди. Жамоа кучини текшириш учун жуда яхши имтиҳон бўлди"  0 18:45"Реал" ижтимоий тармоқларда энг оммабоп клуб, "Барса" – 2-ўрин, МЮ – 3-ўрин, ПСЖ – 4-ўрин...  1 18:16Фарруҳ Сайфиев: "Мундиалга бориб, шунчаки қатнашиш йўқ"  10 18:00Про лига. “Олимпик” — “Арал” 0:1  0 17:49ЖЛА бош котиби футбол клублари раҳбарлари билан учрашади  0 17:30"Милан" Леау учун 90-100 миллион евро талаб қилмоқда  0 16:20"Бавария" Нико Уильямсни сотиб олишни хоҳлайди. "Атлетик" вингери – ҳужумдаги устувор вариант  1 15:56Эшакнинг меҳнати ҳалол, ўзи ҳаромми?  53 14:47Интервью. Миржалол Қосимов: "Жиддий айтганда Жаҳон чемпионатига чиқишга энди тайёр бўлдик, бу натижа ўз-ўзидан келмади"  22 14:16Осиё Кубоги-2027 саралаш. Тожикистонда дуранг, Туркманистонда ғалаба  2 14:15Месси Хамесга Аргентина ва Колумбия ўйини вақтида: "Сен жуда кўп гапиряпсан"  6 14:01Игорь Сергеев: "Йиғлаб юборишимга бир бахя қолди"  21 13:27Сане "Бавария"ни тарк этишга қарор қилди. Вингер "Галатасарой"га ўтишга яқин  0 13:15"Манчестер Сити" 70 млн. еврога ярим ҳимоячи сотиб олди  2 12:56"Пахтакор" ва ўзбек футболи афсоналаридан бири Аҳрол Иноятов 80 ёшда  1

Денис Коростиченко: "Балки, Неъматулла Қуттибоев ҳақдир, аммо биз ғалабага эришиб бўлдик" Янгиликлар

Денис Коростиченко: "Балки, Неъматулла Қуттибоев ҳақдир, аммо биз ғалабага эришиб бўлдик"

"Арал"га қарши ўйиндан кейинги матбуот анжуманида "Локомотив" бош мураббийи Денис Коростиченко иштирок этди.

Ўйин ҳақида

- Барчага салом. Қийин ўйин бўлди. "Арал" жамоаси бу ерга кучли иштиёқ билан келган экан. Жанговорлик характерини намойиш қилиб беришди. Футболчиларим ҳам яхши ўйин кўрсатишди. Дарвозабонимиз пенальти вазиятида бизни қутқарди. Иккинчи бўлимдаги ўйиндан мамнун эмасмиз. Буни кўриб чиқамиз, тахлил қиламиз, ҳулоса чиқарамиз. Биринчи бўлимда яхши ўйнадик, вазиятлар яратдик, фақатгина битта гол урдик. Ғалабага эришдик, барчани табриклайман, мухлисларни, клубдаги ходимларни ҳам табриклаб қоламан. 

- "Арал" жамоаси бош мураббийи матбуот анжуманида дуранг адолатли натижа бўлар эди, "Локомотив" мен кутган ўйинни намойиш қилмади, деб айтди. Бу фикрга қўшиласизми?

- Агарда иккинчи бўлимни ҳисобга олсак, балки. Неъматулла Қуттибоевнинг гапларига қўшиламан. Бироқ биринчи бўлимда биз ўйинни тугатиб қўйишимиз ҳам мумкин эди. Иккинчи бўлимда ҳам вазиятлар бўлди. Гол уриб қўйишимиз ҳам мумкин бўлганди. Умуман олганда ўйин дурангга мос эди. Бироқ биз ютдик. Омад биз тарафда бўлди. Барча футболчиларимиз ҳаракат қилди ва ғалабага эришдик.

- "Локомотив" мухлислари, фан-клуби футболчиларга иштиёқ бера оладими?

- Албатта, стадионга келган ҳар бир мухлис ўйинга, футболчиларнинг рухиятига таъсир кўрсата олади. Йигитлар тўлиб тошган трибуналарда остида ўйнашни исташади. Бунинг учун биз ҳам ҳаракат қиляпмиз, ўйин сифатини, натижани яхшилашга интиляпмиз. Айтишни истардим, мухлислар ҳам ўз навбатида доимо жамоа билан бўлишларини хоҳлайман. Мухлисларнинг менталитети ҳам бошқача. Кимлардир жамоа мағлуб бўлса, негатив томонни излашни бошлайди. Стадионга келган мухлис охиригача биз билан бўлса яхши бўларди, оғир кунда ҳам, ғалабали пайтларда ҳам. 

- Бугунги ўйинда 3 очкони келтирган асосий инсон сифатида дарвозабонни келтирса бўладими?

- Албатта, бўлади. Абдумавлон пенальтини қайтарди. Ўйинда муҳим вазиятлар бўлади: пенальти, жарима зарбалари, сейвлар бор. Дарвозабон бу пайтда кучини беради. Ўз навбатида бу унинг ҳам ғалабаси. Бунинг учун барча борини берди.

- Абдумавлон Абдужалиловни ўзбек матбуотида Кепа Аррисабалагага қиёслашади. Сиз уни қайси дарвозабонга ўхшатасиз?

- Абдумавлон Абдужалиловга. Кепа... У бошқа дарвозабон. Абдумавлон Абдужалилов - бизнинг дарвозабон. 

- Ушбу мавсум бошланишидан олдин мухлислар "Локомотив"нинг ҳар бир ўйинда 3:0 ёки 4:0 ҳисобида ютишини тахмин қилишди. Сиз бу фикрга қандай қарайсиз? Про-лиганинг умумий даражасини қандай баҳолайсиз?

- Ҳеч қачон Про лига жамоаларига ҳам осон бўлмаган. Иккинчидан, ўтган матбуот анжуманида айтгандим. Биз Суперлига даражасидаги клубмиз ва шу сабабли рақиблар бизга қарши кучли иштиёқ билан ўйнашади. "Арал" масалан, "Андижон-SGS" билан ўйнаса, бошқача футбол бўлади. "Локомотив" билан улар энди юқорироқ концентрация билан ўйнайди. Стадион, телевидение, эътибор бўлади. Биз ҳам буни ҳисобга олганмиз, Про лигада осон жамоа йўқ. Барча ўйинларимиз қийин ўтади. Ҳар ўйинда ғалабага эришиб, Суперлигага қайтишни биз ҳам истаймиз. Масалан бугун ҳам осон бўлмади, ютдик ва 3 очко олдик. Бундай ўйинлар ҳам бўлиб туради. Агарда биринчи бўлимда икки-уч вазиятимиздан гол урганимизда, балки, 3:0 бўларди. Масалан-да. Иккинчи бўлимда рақиб 0:3 ҳисоби билан тушди ва улар қандай ўйин кўрсатишини билмаймиз. Балки ўйинни ташлаб юборар, кейин ҳисоб 4:0 ёки 5:0 бўлиб кетади. 1:0 ёки 0:0 ҳисоби бўлса, кураш охиригача давом этади. Про лигада ҳеч кимга осон бўлмайди.

- Агарда ўйин бошидаги режани инобатга олсак, нималар ўхшади-ю, нималар ўхшамади?

- Ўхшаганлардан кўра, ўхшамаганлари кўпроқ бўлди. Режага кўра, биз рақиб очиб берадиган ҳудудда кўпроқ ўйин кўрсатишимиз керак эди. Аммо рақибларнинг қандай ўйин кўрсатишини билмагандик. Уларнинг ўйинларини томоша қилдик ва ҳулоса чиқардик. Сафарда "Локомотив"га қарши ўйнаган рақибнинг қандай ўйин кўрсатишини тахмин қилиш қийин бўлди. Балки, ҳимоявий ўйин кўрсатиши мумкин эди. Бу бизга ўз жарима майдончамиздан чиқиб кетишга ҳам анча ёрдам берарди. Агарда улар прессингда ўйнашса, биз очиқ ҳудудларга эга бўлардик. Биринчи бўлимда шу услубдан фойдалана олмадик. Иккинчи бўлимда эса куч етишмадими, билмайман. Ишлар ўхшамади.

- Захирадан тушганлар ўйинни кучайтира олишдими?

- Улар ҳам ҳаракат қилишди. Бироқ биз кўпроғини хоҳлагандик.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика