UZ

Сўнгги янгиликлар

13:46Суарес "Сиэтл" ходимига тупургани учун 6 ўйинга дисквалификация қилинди  4 13:19"Ал Иттиҳод" португалиялик ёш футболчини 30 млн евродан ошиққа харид қилди  1 12:51"Челси" собиқ футболчиси "Гремио"га ўтди  0 12:22Бразилияда ғавғо: "Фламенго" юлдузи пул тикканликда айбланиб дисквалификация қилинди  1 11:54Дональд Трамп Ўзбекистон МТЖга ЖЧда омад ёр бўлишини тилади  5 11:27Кечаги учрашувдан сўнг Жоэль Кожо ўз фикрларини билдириб ўтди  23 10:59ПСЖ бош мураббийи жиддий жароҳат олди  3 10:32Бугун U-23 ва U-17 терма жамоаларимиз ўйнайди  9 10:02"Реал"нинг икки нафар футболчисига Туркиядан таклиф бор  0 09:31Европанинг ТОП клублари қизиққан футболчи фаолиятини Саудия жамоасида давом эттиради  1 09:00"Олтин тўп"га асосий даъвогар футболчи жароҳат олди  3 08:32Яна бир терма жамоа ЖЧ йўлланмасини қўлга киритди  5 08:03Валерий Кичин: "Ҳалол ўйин бўлишини истардим"  45 07:36Ўзбекистон Қирғиз Республикасига ҳеч қандай имконият қолдирмаган учрашувдан ФОТОГАЛEРEЯ  4 02:00Месси фаолияти ҳақида: "Бунинг якуни яқинлашиб келмоқда"  5

Дэниэль Пордес: "Мен учун Жепаров Ўзбекистондаги энг кучли футболчи" Янгиликлар

Дэниэль Пордес: "Мен учун Жепаров Ўзбекистондаги энг кучли футболчи"

Дэниэль Пордес осиёлик машҳур футбол журналистларидан бири.

У йилнинг ҳар чорагида (уч ойда бир марта) ОФК томонидан нашр этиладиган “AFC Quarterly” журнали бош муҳаррири ҳисобланади. Дубайдаги "Armani Hotel" меҳмонхонасида бўлиб ўтган Осиё Кубогига қуръа ташлаш маросимида у ҳам иштирок этди. Тадбир якунида унинг фикрларига қулоқ тутдик.

- Дэн, қуръа натижаларидан кўнгил тўлдими?
- Барча гуруҳлар ажойиб бўлди. Тўғрисини айтсам, мусобақани ким ютишини билмайман, чунки имконият ҳаммада бор. Ҳар бир гуруҳда қизиқарли ўйинлар бўлади.

- Иштирокчилар кўп, лекин чемпион битта бўлади.
- Тўғри, якунда қайсидир жамоа чемпион бўлади, аммо ҳозирдан айтиш қийин. Фақат шуни айтишим мумкин, чемпионлик қуръа ташлаш маросимида биринчи ва иккинчи саватчадан ўрин олган жамоалардан бирига насиб этади. Япония бир неча бор ғолиб чиққан, Австралия амалдаги чемпион, буёқда Жанубий Корея, Эрон, Саудия Арабистони бор. Шунингдек, мезбон жамоа БААни ҳам унутмаслик керак. Хуллас даъвогар кўп.

- Қайси жамоага мухлислик қиласиз?
- Мусобақада иштирок этадиган ҳаммага. Мен Осиёдаги барча жамоаларни ҳурмат қиламан.

- Ўзбекистон жой олган гуруҳ ҳақида фикрингиз?
- Бу ҳам ўзига яраша қизиқарли гуруҳ бўлди. Жамоаларга таъриф берадиган бўлсам, Япония қитъа чемпионатида энг кўп ғалаба қозонган, Уммон саралаш босқичини ажойиб тарзда ўтказди, Туркманистоннинг йўқотадиган нарсаси йўқ ҳамда Ўзбекистон фаворитлардан бири. Ўзбекистон U-23 терма жамоасининг Осиё чемпионатида зафар қучгани ўз-ўзидан бўлиб қолгани йўқ. Мен ўйинларни кўрдим ва шуни айта оламанки, сизларда келажак учун яхши авлод шаклланяпти.

- Ўзбек футболчилари орасида кимларни кўпроқ кузатасиз?
- Бундай футболчилар кўп. Лекин бошқаларга нисбатан кўп кузатганим бу Одил Аҳмедов билан Достон Ҳамдамов. Мен Ҳамдамовни U-16 мусобақаларида ўйнаганидан бери биламан. У яхши футболчи. Одил Аҳмедовга алоҳида таъриф шарт эмас, жуда кучли ўйинчи.

- Сиз билган ўзбекистонлик футболчилар орасида энг кучлиси ким?
- Сўзсиз Сервер Жепаров. У бежизга икки бор "Осиёнинг энг яхши футболчиси" деб топилмаган.

Х.Холиқов суҳбатлашди.

Рейтинг: +27   

Фикрлар

championat.asia
< сўнгги янгиликларни кўриш
Яндекс.Метрика