Даврон Чориев: "Аргентина билан ўйинлар ҳаммамиз учун фойдали бўлади"
29 янв 2021 11:00
Янгиликлар

Даврон Чориев: "Аргентина билан ўйинлар ҳаммамиз учун фойдали бўлади"

Хабарингиз бор, футзал бўйича Ўзбекистон миллий терма жамоаси 2-3 февраль кунлари амалдаги Жаҳон чемпиони ҳисобланган Аргентина футзал терма жамоаси билан Тошкентда иккита ўртоқлик учрашуви ўтказади.

"Аргентина билан ўйнашимиз ҳақидаги хабар чиққандан сўнг хурсанд бўлдим. Чунки, бундай савиядаги терма жамоалар билан ҳар доим ҳам ўйнайвермаймиз. Шунинг учун берилган имкониятдан унумли фойдаланишимиз лозим. Ўйлайманки, ушбу учрашувлар биз учун фақат фойда келтиради. Ўзбекистон футбол ассоциациясига яратиб берилаётган шароитларга миннатдорчилик билдириб қоламан. Кучли ва топ даражадаги термалар билан ўйинларга жисмонан, тактик ва руҳий яъни ҳар томонлама тайёрланамиз. Ёш футзалчиларнинг ўсиши учун ҳам катта хизмат қилишига ишонаман. Умуман олганда ҳаммамиз учун самарали бўлади",- дейди Чориев.