UZ

Сўнгги янгиликлар

21:11Аббосбек Файзуллаев тиббий кўрикдан муваффақиятли ўтди  3 20:52Рэшфорд "Барселона"да қайси рақамда ўйнаши аниқ  1 20:29"Насаф" назорат ўйинида "Қўқон-1912"дан устун келди  0 19:42"Арсенал" мавсум охирида Артета билан хайрлашади!  5 19:15УЕФА тўхталишлар сони кўпайиши туфайли ВАР ваколатларини кенгайтирмоқчи эмас  1 18:49Ўртоқлик ўйини. "Арсенал" "Милан"дан устун келди  5 18:10"Ман Сити" "Галатасарой" қизиқаётган Эдерсонни сотмоқчи эмас  0 18:05Мбаппе энди "Реал"да бошқа рақамда ўйнайди  3 17:47Файзуллаев нега кеча тиббий кўрикдан ўтмади? Инсон самолётда учганидан кейин дарҳол кўридан ўтса нима бўлади?  9 17:43"Динамо" ўртоқлик ўйинида Беларус клубини йирик ҳисобда таслим қилди  3 17:21Моуринью "Ман Сити"нинг қоидабузарликлари ҳақида: "Қонун бўйича 2017/18 мавсумда МЮ чемпион бўлиши керак эди"  3 16:59"Челси" 19 ёшли ҳимоячи - Хатони сотиб олмоқчи  10 16:11Уэсли Снейдер: "Салоҳни тарихдаги энг буюк футболчилардан бири деб ҳисоблаш мумкин"  2 15:49Жозе Моуринью: "Илгари кўпроқ пул топгани энг яхши мураббий деб ҳисобланарди, энди эса – энг яхши образга эга бўлгани. Бугун энг муҳими – юқори даражали пиарга эга бўлиш"  6 15:31Иванович ва Швайнштайгер тўққиз йиллик турмушдан сўнг ажрашишди  2

Чемпионлар Лигаси-2020/21 финали ҳақида нималарни билишимиз керак? Янгиликлар

Чемпионлар Лигаси-2020/21 финали ҳақида нималарни билишимиз керак?

Бугун Порту шаҳридаги "Драгау" ўйингоҳида Европа Чемпионлар Лигасининг ҳал қилувчи беллашуви ўтказилади.

Финал қаерда ўтади ва унда қайси клублар ўйнайди?

Чемпионлар Лигаси тарихидаги 66-финалда "Манчестер Сити" ва "Челси" ўзаро тўқнаш келади. Ушбу финал Португалиядаги "Драгау" стадионида бўлиб ўтади. Маълумот учун, "Порту"нинг уй аренаси 2004 йилда Европа чемпионати финалини ҳамда 2019 йилда Миллатлар Лигаси финалини қабул қилган.  

Аслида ҳал қилувчи баҳс Истанбулдаги "Олимпия" стадионида бўлиб ўтиши режалаштирилган эди, аммо COVID-19 билан боғлиқ чекловлар туфайли УЕФА Ижроия қўмитаси ўйинни бошқа ерга кўчиришга қарор қилди.

"Сити" ҳали финалда иштирок этмаган бўлса, 2012 йилги ғолибликни қўлга киритган "Челси" учун эса бу учинчи финал бўлади.

Мухлислар билан боғлиқ ҳолат қандай? 

Португалия ҳукумати "Драгау" аренасининг Чемпионлар Лигаси финалидаги сиғими 33 фоизни ташкил қилишини, яъни 16 500 томошабинга мўлжалланишини билдирди. Финалчиларнинг ҳар бирига мухлислари учун 6000 чипта ажратилган ва бу чипталарни клубларнинг ўзлари сотишган. Қолган 1700 та чипта нейтрал мухлислар учун сотувга чиқарилди ва 25 майда сотиб бўлинди.

Ғолиб нимани қўлга киритади?

Ғолиб жамоа эга бўладиган Чемпионлар кубоги оғирлиги 7,5 килограммни, узунлиги эса 73,5 сантиметрни ташкил этади. 

"Бу санъат дурдонаси бўлмаслиги мумкин, аммо футболдаги ҳамма унга тегиб кўришни хоҳлайди", – дейди кубок яратувчиси Юрг Штадельманн.

Чемпионлар Лигаси ғолиби навбатдаги қуръа ташлашнинг гуруҳ босқичидан кафолатланган жой олади. Агар миллий чемпионат орқали ютиб олмаган бўлса, албатта.

Ўйинни ким бошқариб боради?

Финалда 44 ёшли испаниялик ҳакам Антонио Матеу Лаос ишлайди. У шунингдек, ёзда ЕВРО-2020'да ҳам фаолият олиб боради.

Яна қандай янгиликлар бор?

Жамоаларга бешта ўзгариш қилиш учун рухсат берилган. Агар ўйин қўшимча таймларга етиб борса, олтинчи алмаштиришга ҳам имконият берилади. Алоҳида айтиш керакки, қайдномадан 23 футболчи ўрин олади.

Очилиш маросими ўтказиладими?

Ҳа, албатта!  Ўзининг "Happier", "Silence" ва "Friends" каби хитлари билан танилган Marshmello Pepsi ҳомийлигида ўзининг ноёб ижод маҳсулларини тақдим этади. У виртуал ижроси билан спорт дунёсидаги энг йирик тадбирлардан бирининг очилиш маросимини безаб бериши шубҳасиз.

Жуда оддий, аммо ҳар бир мухлис билиши керак бўлган маълумотлар билан бўлишдик. Саломат бўлинг. 

UEFA.com сайти асосида Шерзод Нурматов тайёрлади.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика