"Челси" нима учун Бенземани сотиб олмаслиги маълум бўлди
30 янв 2024 20:00
Янгиликлар

"Челси" нима учун Бенземани сотиб олмаслиги маълум бўлди

"Аристократлар" "Ал Иттиҳод" ҳужумчиси Карим Бензема трансферига қизиқмаяпти.

Аввалроқ, Лондоннинг "Челси" клуби 36 ёшли футболчига қизиқиш билдираётгани хабар берилганди. Бироқ "аристократлар"га яқин манба бундай хабарлар мутлақо асоссиз эканлигини маълум қилди. "Челси" Бенземани Европага қайтармоқчи эмаслигининг асосий сабаблари сифатида французнинг ёши ўтиб қолгани ва унинг трансферига сарфланиши керак бўладиган маблағ айтилмоқда. Тодд Боэли жамоага ёш ва иқтидорли футболчиларни олиб келишни истайди.

Каримнинг "Ал Иттиҳод" билан шартномаси 2026 йилнинг июнь ойи сўнггига қадар мўлжалланган. Ҳужумчининг трансфер нархи 15 миллион еврога баҳоланмоқда.

Бензема жорий мавсум Саудия Арабистони чемпионати доирасидаги 15та ўйинда майдонга тушиб, 9та гол ва 5та ассист қайд этди.

Эслатиб ўтамиз, "Ал Иттиҳод" ОЧЛ нимчорак финалида Ўзбекистоннинг "Навбаҳор" клуби билан куч синашади.

Ҳавола :

Манба : Todofichajes

Янгиликларни Телеграмда ўқинг!

Рейтинг: +1