championat.asia сайти ижодий жамоаси Астана шаҳрида
07 янв 2019 05:38
Янгиликлар

championat.asia сайти ижодий жамоаси Астана шаҳрида

Теглар : Осиё кубоги-2019

Шу кунларда БАА мамлакатида Осиё Кубоги мусобақаси давом этмоқда.

Қитъа чемпионатини ёритиш мақсадида www.championat.asia сайтининг бир қатор вакиллари Дубай шаҳрига йўлга отланишди. 6 январь куни Тошкент вақти билан 23:50да ҳавога кўтарилган самолётда Хайрулла Холиқов, Нарзулла Сайдуллаев, Толибжон Қосимов, Шаҳбоз Беғамов ва Зоир Турсунбоев Қозоғистоннинг пойтахти Астана шаҳрига етиб боришди.

Маълум вақт Астанада бўлгач Астана-Дубай йўналишида манзилга отланамиз. Сайтимизнинг яна бир ходими Жасурбек Асланов аллақачон Тошкент-Москва-Дубай йўналишида БААга етиб борган. 8 январь куни сайтимиз раҳбари Нодирхўжа Юлдашев ва Olamsport.com сайти раҳбари Камолиддин Алимов ҳам БААга учиб келишади.

Айни пайтда Астанада жуда ҳам совуқ об-ҳаво ҳукм сурмоқда. Термометр 14 даража совуқни кўрсатмоқда.

Тез орада иссиқ Дубайга етиб борамиз ҳамда сайтимиз ўқувчиларига қайноққина хабарларни етказиб борамиз. Эртага Шаржада Ўзбекистон - Уммон учрашувидан олдинги расмий тадбирлар бўлиб ўтади. www.championat.asia сайтини кузатиб борсангиз улардан биринчилардан бўлиб хабардор бўласиз.