“Цементчи”нинг собиқ футболчилари “Ёзёвон-Лочинлари” сафида

Хусусан Фарғона вилоятининг икки жамоаси “Цементчи” ва “Ёзёвон-Лочинлари” давралар оралиғида ўз сафини кучайтиришга уринмоқда. Бунгача “Цементчи” шарафини ҳимоя қилган Дилшод Эминов билан Алишер Файзуллаев айни дамда ёзёвонликлар билан бирга шуғулланмоқда. Шунингдек иқтидорли футболчи Рустам Абдуҳамидов ҳам иккинчи даврани ушбу жамоада ўтказишга яқин турибди. Маҳоратли ўйинчи Азизхон Ибрагимов ҳам қўқонликлар сафини тарк этгач, “Ёзёвон-Лочинлари” йиғинига қўшилди.

Ушбу футболчилар яқинда Олтинкўлда “Андижон” ёшлар жамоасига қарши кечган назорат учрашувида майдонга тушди. Ибрагимов мазкур баҳсда гол ҳам уришга эришди. Аммо уларнинг кейинги тақдири ҳозирча номаълум.