"Цементчи" мухлисларни стадионга чорлайди

Шу куни Ўзбекистон биринчилигининг муддатидан олдинги чемпиони бўлмиш “Цементчи” жамоаси ўз майдонидаги ўзининг энг сўнгги учрашувини Термизнинг “Сурхон” жамоасига қарши ўтказади! 

Ушбу учрашувга Республикамизнинг футболга алоқадор бўлган расмий инсонлари, Вилоят Футбол Федерацияси рахбарлари, Вилоят ва шаҳар ҳокимлиги вакиллари, вилоятимиз ва шаҳримизнинг мутассадди раҳбарлари билан биргаликда Ўзбекистон миллий телерадиокампанияси ҳодимлари, барча ОАВ вакиллари мухбирлари ва мамлакатимизнинг энг машхур хамда энг оммавий интернет сайтлари ходимлари ташриф буюрадилар. 

Учрашув аввалида бадиий чиқишлар ва хушовоз хонандалар томонидан таёрланган маданий тадбир бўлиб ўтади. 

Учрашувдан сўнг, Ўзбекистон биринчилигининг мутлоқ чемпионларини тақдирлаш маросими ҳамда мухлислар иштирокида ажойиб ўйинлар ўтказилиши режалаштирилмоқда! Ўйин иштирокчиларига ва стадионга ташриф буюрган мухлисларга клуб маъмурияти ва шаҳар ҳокимлиги томонидан кўплаб совғалар таёрланмоқда! 

Жамоамизнинг мана шундай тарихий кунида барча мухлислар учун ўтказилиши режалаштирилаётган футбол байрамига шаҳримиз аҳолиси билан биргаликда вилоятимизнинг барча футбол мухлисларини, Қўқон, Риштон, Марғилон, Қува, Олтиариқ, Чимён, Водил хуллас, вилоятимиздаги барча футбол мухлисларини ушбу байрам кечасига таклиф этамиз!  Шаҳримизга ташриф буюрган барча  меҳмонларимиз учун стадионларимиз  эшиклари очиқ ! 

Стадионга кириш бепул!

"Цеменчтчи" матбуот хизмати