"Бунёдкор" ва "Металлург" вакиллари Украинадаги халқаро турнирда иштирок этишади
26 авг 2017 15:51
Янгиликлар

"Бунёдкор" ва "Металлург" вакиллари Украинадаги халқаро турнирда иштирок этишади

Теглар : Муҳаммадамин Турғунбоев Киберфутбол

Киевнинг "Динамо" клуби илк маротаба киберфутбол бўйича халқаро турнир ўтказмоқда.

26-27 август куни Украина пойтахти Киев шаҳрида жойлашган "Олимпийский" стадионида киберфутбол бўйича "Динамо" Ёзги Кубоги деб номлаган профессионал киберфутбол мусобақаси ўтказилади.

Турнирда иштирок этадиган 16 иштирокчининг 10 нафари ўз мамлакатида етакчи бўлган, турли нуфузли ва халқаро турнирларда ғолиб бўлган киберфутболчилар ҳисобланишади.

Қолган 6 нафар қатнашчи очиқ онлайн саралаш доирасида турнирда иштирок этиш ҳуқуқини қўлга киритган киберфутболчилардир.

Турнир иштирокчилари:

- Dani ‘Dani’ Hagebeuk, AFC Ajax (Голландия)

- Andrés ‘Andrescytorres’ Torres, "Залцбург" (Австрия)

- Milosz ’Milosz93’ Bogdanowski, "Легия" (Польша)

- Anton ’Anzinho8’ Korvenaho, СЖК (Финляндия)

- Robert ‘Ufenok’ Fakhretdinov, "Локомотив" (Россия)

- Evgeni ‘Yozhyk’ Mostovik, Navi (Украина)

- Konstantin Ketko, "Динамо" (Беларусь)

- Turgunboev Mukhamaddamin, "Бунёдкор" (Ўзбекистон)

- Sandro Maghlakelidze, Грузия футбол федерацияси (Грузия)

- Giorgi Levidze, Грузия футбол федерацияси (Грузия)

- Vitaly ‘Labotryas’ Mukha, "Динамо" Киев (Украина)

- Server 'Cekka' Kerimov, "Металлург" (Ўзбекистон)

UVSCF (Ўзбекистон виртуал спорт ўйинлари ва кибер футбол федерацияси) турнир ҳамкори ҳисобланади. Аввалига Ўзбекистонга битта йўлланма ажратилган эди. Мамлакатимизда ўтказилган саралаш баҳсларида "Бунёдкор" киберфутболчиси Муҳаммадамин Турғунбоев ғолиб бўлди. Турнир иштирокчиларидан бири маълум бир сабабларга кўра мусобақада иштирок эта олмаслиги эълон қилинганидан сўнг, ушбу ўйинлар ташкилотчилари бу жойни Ўзбекистонга беришди. Мамлакатимиздаги саралашда ўзини яхши кўрсата олган "Металлург" ўйинчиси Сервер Керимов ушбу турнирда қатнашиш имкониятига эга бўлди.

Айни дамда икки киберфутболчимиз Муҳаммадамин Турғунбоев ва Сервер Керимовлар UVSCF (Ўзбекистон виртуал спорт ўйинлари ва кибер футбол федерацияси) вице-президенти Алимаксумов Алихон билан Украинада ва ўйинчилар турнирда ўз иштирокларини бошлашга тайёрлар. "Бунёдкор" ва "Металлург" клублари вакилларига ушбу мусобақада омад тилаймиз!