UZ

Сўнгги янгиликлар

02:41Испания кубоги. "Барселона" ва "Реал Мадрид" ўртасидаги финал қайси санада ўтиши маълум  19 02:30Испания кубоги. "Барселона" ярим финалда "Атлетико"ни доғда қолдирди. Финалда "Эл класико" кўрамиз!  76 02:00Италия кубоги. "Милан" ва "Интер" ярим финалнинг илк баҳсида муроса кўчасини танлашди  7 01:55АПЛ. Мерсисайд дербисида "Ливерпуль" ғалаба қозонди   3 01:35АПЛ. "Ман Сити" "Лестер"ни мағлубиятга учратди. Ҳусанов қайдномага киритилмади  128 00:45"Арсенал" Нико Уильямснинг агенти билан музокараларни бошлади  0 00:15"Пахтакор" бор аламини "Машъал"дан олди  13 23:52Асрор Алиқулов: "Бугун аввалги ўйиндан фарқли тарзда руҳий томонлама ютқаздик"  3 23:32Педро Морейра: "Бу натижа биз учун кейинги ўйинларга яхши кайфият бағишлайди. Холматов ва Бўриевни бир муддатга йўқотдик"  5 22:25Гвардиола кейинги мавсумдан А Серия клубини бошқариши мумкин  6 21:59Муҳаммад Салоҳ "Ливерпуль" билан шартномасини узайтиришга яқин  2 21:27Суперлига. "Пахтакор" "Машъал"га "шапалоқ" тушириб, мавсумдаги илк ғалабасини қўлга киритди  78 20:32Ўзбекистон U-17 терма жамоаси бош мураббийи Осиё кубоги олдидан ОФК расмий сайтига интервью берди  7 19:00Ўзбекистон Кубоги. Бугунги баҳслар ғолиблари пенальтилар серияси орқали аниқланди  4 17:51Ла Лига "Барса"нинг Ольмо ва Викторни рўйхатга олиш учун асоси йўқлигини эълон қилди  48

«Локомотив» киберфутболчиси Осиё ўйинларида Ўзбекистон шарафини ҳимоя қилади Янгиликлар

«Локомотив» киберфутболчиси Осиё ўйинларида Ўзбекистон шарафини ҳимоя қилади

Ўзбекистонда Электрон компьютер спорти федерацияси ташкил этилди, "Локомотив" киберфутболчиси Осиё ўйинларидаги синов мусобақасида иштирок этади.

Ўзбекистон виртуал спорт ўйинлари ва киберфутбол федерацияси ўз фаолиятини янада профессионал тарзда ташкил этиш ва халқаро стандартлар талабига мослашиш мақсадида бир қатор ташкилий ўзгаришларни амалга оширди. Эндиликда ташкилот Ўзбекистон электрон компьютер спорти федерацияси деб номланади.

Ривожланишнинг янги босқичига қадам қўяётган ташкилот ўз низомини қайта кўриб чиқиб, унда белгиланган мақсад ва вазифаларига ўзгартиришлар киритган ҳамда фаолият кўламини янада кенгайтирган.

6 август куни федерация янги ном билан Адлия вазирлигида давлат рўйхатидан ўтказилди. Ташкилотга Ўзбекистонда электрон ўйинлар, компьютер спорти ва киберфутболни ривожлантириш ҳамда республика ҳудудида турнирларни ташкил этиш ҳуқуқи берилди. Шунингдек, федерация ушбу йўналишдаги мураббий ва киберспортчиларни тайёрлаш бўйича ҳам ваколатли муассаса сифатида белгилаб қўйилган.

Ўзбекистон электрон компьютер спорти федерацияси фаолияти давомида Миллий олимпия қўмитаси, Жисмоний тарбия ва спорт вазирлиги ҳамда Ахборот технологиялари ва коммуникацияларини ривожлантириш вазирлигининг виртуал спорт турларига оид қарорлари ижросини таъминлашда фаол иштирок этади.

Яна бир неча кундан сўнг Индонезияда бошланадиган Осиё ўйинларида электрон спорт йўналиши бўйича мусобақа тажриба-синов тариқасида илк марта ўтказилади. Унда Электрон компьютер спорти федерацияси аъзоси, Тошкентнинг «Локомотив» жамоаси кибератлети Санжар Усмонов Ўзбекистон шарафини ҳимоя қилади. Маълумот учун, 2022 йилги Осиё ўйинларида киберспорт расман мусобақа дастуридан ўрин олади ва унда киберспортчилар медаллар учун кураш олиб борадилар.

Яқин йиллар ичида эса спортнинг бу тури Олимпиада дастурига ҳам киритилиши мумкин.

Рейтинг: -102   
championat.asia
< сўнгги янгиликларни кўриш
Яндекс.Метрика