«Бунёдкор» нигериялик футболчилар юзасидан баёнот берди
29 дек 2013 09:22
Янгиликлар
«Бунёдкор» нигериялик футболчилар юзасидан баёнот берди
Тошкентнинг «Бунёдкор» клуби Тошкентда бўлиб турган бир гуруҳ нигериялик футболчилар билан боғлиқ вазият юзасидан баёнот берди. Баёнот матни клуб твиттерида чоп этилган.
Маълум бўлишича, ушбу нигериялик футболчиларнинг «Бунёдкор»га ҳеч қандай алоқаси йўқ. Африкаликлар «Бунёдкор»никига ўхшаш JAKO бренди остидаги либосларни Тошкентда тиктиришган, либослардаги клуб логотипи эса «Бунёдкор»ники эмас, балки рамзи Тошкент клубиникига жуда ҳам ўхшаш бўлган Грузиянинг «Марк Старс»ники.
Аввалроқ, Facebook ижтимоий тармоғида бир гуруҳ нигериялик футболчиларнинг Тошкентда машғулотлар олиб бораётгани ва гуруҳ бўлиб суратга тушгани ҳақида хабар берилган эди. Уларнинг устидаги спорт либослари узоқдан қараганда «Бунёдкор»ники билан бир хил кўринишда эди.
«Марк Старс» Грузия иккинчи лигаси вакили бўлиб, 2012 йилда ташкил этилган. Клуб нигериялик Келвин Отусга тегишли. Клуб расмий сайти маълумотларига кўра, жамоа таркибида уч нафар нигериялик футболчи бор.
Жамоа логотипи шакли «Бунёдкор»ники билан бир хил, ранглар ҳам деярли ўхшаш. «Бунёдкор» логотипида гумбаз устида оқ лайлаклар бўлса, «Маркс Старс»никида қора лайлаклар бор, шунингдек, Грузия клуби логотипида қалдирғочлар йўқ. «Бунёдкор» логотипининг BUNYODKOR деб ёзилган ўрнида «Марк Старс» логотипида FOUNDED 2012 деб ёзилган.
Тошкентда, бир қаторлари 2013 йил кузидан бери бўлиб турган нигериялик футболчилар гуруҳи нима учун ўз либосларини «Бунёдкор»никига ўхшаш даражада тайёрлатгани номаълум.
Аввалроқ, Facebook ижтимоий тармоғида бир гуруҳ нигериялик футболчиларнинг Тошкентда машғулотлар олиб бораётгани ва гуруҳ бўлиб суратга тушгани ҳақида хабар берилган эди. Уларнинг устидаги спорт либослари узоқдан қараганда «Бунёдкор»ники билан бир хил кўринишда эди.
«Марк Старс» Грузия иккинчи лигаси вакили бўлиб, 2012 йилда ташкил этилган. Клуб нигериялик Келвин Отусга тегишли. Клуб расмий сайти маълумотларига кўра, жамоа таркибида уч нафар нигериялик футболчи бор.
Жамоа логотипи шакли «Бунёдкор»ники билан бир хил, ранглар ҳам деярли ўхшаш. «Бунёдкор» логотипида гумбаз устида оқ лайлаклар бўлса, «Маркс Старс»никида қора лайлаклар бор, шунингдек, Грузия клуби логотипида қалдирғочлар йўқ. «Бунёдкор» логотипининг BUNYODKOR деб ёзилган ўрнида «Марк Старс» логотипида FOUNDED 2012 деб ёзилган.
Тошкентда, бир қаторлари 2013 йил кузидан бери бўлиб турган нигериялик футболчилар гуруҳи нима учун ўз либосларини «Бунёдкор»никига ўхшаш даражада тайёрлатгани номаълум.
championat.asia
Эшитдик-да! Ўзбекистон ОТЖ сардори Жасур Жалолиддинов тез орада легионерга айланади
ЎФА Тартиб-интизом қўмитаси 34 нафар мураббий ва футболчини четлаштириш бўйича қарор қабул қилди. Яна 53 та жарима интизом чораси ҳам қўлланилди
ОЧЛ тугатилди, энди янги мусобақа кўрамиз
«Барселона» узоқ вақт қизиққан футболчисининг трансферидан воз кечди
Фикрлар