Бугун футбол. "Шўртан" - "Металлург"

Маълумки, ЖЧ-2018 саралаш ўйинларига тайёргарлик кўраётган Ўзбекистон миллий терма жамоасига уч ва ундан кўп футболчи чақирилгани туфайли "Локомотив", "Насаф" ва "Пахтакор" иштирокидаги баҳслар номаълум муддатга қолдирилган. 

Бугун Ғузорда "Шўртан" - "Металлург" қарама-қаршилиги бўлиб ўтади. Ҳозирча "Шўртан" иккинчи даврада бир дуранг ва бир ғалаба билан тўрт очко тўплади. Жамоа ҳисобида жами 19 очко мавжуд ва турнир жадвалида 13-ўринни эгаллаб турибди. 

"Металлург" эса 23 очко билан 11-ўринда бормоқда. Иккинчи даврани Самрқандда ғалаба билан бошлаган "Металлург" шундан сўнг кетма-кет икки ўйинни бой берди. Бекободликлар "Машъал" ва "Локомотив"га мағлуб бўлишди. 

Бугун Ғузорда қизиқарли баҳс кечиши кутилмоқда. Сабаби иккала жамоага ҳам уч очко зарур. "Шўртан" сафарда йўқотилган очколарни бугун уйда олишга ҳаракат қилади. Ўз навбатида "Металлург" ҳам иккита мағлубият аламини "Шўртан"дан олишга уриниб кўради. Эслатиб ўтамиз, Бекобод шаҳрида бўлиб ўтган биринчи давра ўйинида мезбонлар 4:2 ҳисобида зафар қучишган.