Бу қизиқ! Аслида Чилининг ўзи айбдор бўлган экан

Чили терма жамоаси сенсацион тарзда олтинчи ўринни эгаллаб мундиалдан чета қолди. Улар билан бир хил очко тўплаган Перу тўплар нисбатига кўра тепада жойлашди ва плей-оффда ўйнайдиган бўлди.

Аслида Перу Чилидан бир очко кам тўплаши керак эди. Бир бошдан бошлаймиз.

2016 йил 6 сентябрь куни Чили ўз уйида Боливия билан 0:0 ҳисобида дуранг ўйнади. Учрашувдан кейин чилиликлар меҳмонлар сафида Нельсон Кабрера майдонга тушгани ҳақида арзнома ёзишди. ФИФА қоидасига кўра Кабрера ҳақиқатдан ҳам майдонга тушиш ҳуқуқига эга эмасди. Чилига ўша ўйинда дуранг ўрнига 3:0 ҳисбидаги техник ғалаба ёзилди. Барчаси ажойиб шундайми? Йўқ, чунки ўша йилнинг 1 сентябрь куни Боливия ўз уйида айнан Кабрера билан бирга Перуни 2:0 ҳисобида мағлуб этганди. ФИФА ўша ўйинда ҳам Боливияга мағлубият ва Перуга 3:0 ҳисобидаги техник ғалаба ёзди.

Математикани у қадар яхши билмаганлар учун. Агар арзнома ёзилмаганида ва барчаси ўз ўрнида қолганида Чилида 24, Перуда 23 очко бўларди...

Ана шунақа.