Бруно Гарсия: “Ўзбекистон жамовий ўйин эвазига Эронни енгиши мумкин”

“Бугун жамоам Эронга қарши яккама якка курашда бас кела олмадик. Таиланд ва Японияга қарши ўйинларда футзалчиларим катта куч сарфлашди. Шу боис бўлса керак биз тўлиқ тикланиб ўйинга кела олишмади”, - дейди Бруно Гарсия.

- Эрон кучли экани маълум. Ўйинга режа қандай эди.
- Ўзимизнинг режани амалга ошириш жуда қийин бўлди. Рақиб кучли эди. Эроннинг ўйинларини кўрган бўлсангиз турли ўйинларда нисбатан осонроқ рақиблар билан ўйнашди. Шу боис уларда чарчоқ йўқ эди. Йирик ҳисоблар ҳам барчасини айтиб турибди.

- Дарвозабонингизнинг ўйини ҳақида нима дея оласиз?
- Бизнинг дарвозбонларимиз яхши савиядаги посбонлар. Улар ўйиндан ўйинга кучайиб бормоқда. Бугунги ўйинда дарвозабонда ҳеч қандай айб йўқ.

- Кейинги ўйин Таиландга қарши кечади. Бугунги мағлубиятдан сўнг қандай тайёрланасизлар?
- Биз ҳар бир ўйинга режа тузиб қўямиз. Хатолардан тўғри хулоса чиқаришимиз керак. Янги мақсад учун майдонга тушишимиз керак. Таиланд кучли, шу боис ўйин қизиқарли кечади.

- Финалда Эрон фаворит. Бу тушунарли. Ўзбекистон ниманинг эвазига ғолиб бўлиши мумкин?
- Ўзбекистон мусобақанинг кучли жамоаларидан бири. Жамоавий ўйин эвазига рақибни енгиши мумкин, Эрон индивидуал тарзда кучли. Шу боис Ўзбекистон жамовий ўйин намойиш этса ғолиб бўлиши мумкин. Ўзбекистонни финалга чиққани билан табриклайман.