Ботирали Эргашев: "Бугунги ўйинда дўстлик ғалаба қозонди"

Шиддатли кечган учрашувда томонлар муроса йўлини танлашди (1:1). Ушбу баҳсдан сўнг "Пахтакор" клубида дебют учрашувини ўтказган Ботирали Эргашев ўз фикрлари билан ўртоқлашди.

"Илк дебют ўйинимда ўзим учун анчагина тажриба орттириб олдим, ўзимга бўлган ишонч кўпроқ пайдо бўлди. "Обод" жамоасига қарши оғир баҳс кечишини билардик. рақибларимиз ҳам яхши тайёргарлик кўришган экан. Ушбу учрашувда йшл қўйган хатоларимни кўриб чиқиб ўз устимда янада кўпроқ ишлашга ҳаракат қиламан. Келаси йили асосий таркибга кириш учун бор кучиб билан интиламан.

Учрашувнинг қўшимча вақтида дарвозани ташлаб рақиб жарима майдончаси ичига етиб бордим. Футболда таваккал қилмаса бўлмайди. Шунинг учун ҳам ғалаба қозонишимиз учун жамоадошларимга ёрдам бериш учун олдинга боргандим. Рақиб дарвозасини ишғол қилиш учун ҳаракат қилдик, аммо буни уддасидан чиқа олмадик. Бугунги ўйинда дўстлик ғалаба қозонди", - дейди "Пахтакор" клуби посбони Ботирали Эргашев.

Жаҳонгир Сотволдиев