UZ

Сўнгги янгиликлар

19:05АПЛ. "Брайтон" - "Манчестер Сити" 0:1 (матнли трансляция)  9 18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

Битта бўлсин, зўр бўлсин! Янгиликлар

Битта бўлсин, зўр бўлсин!

Теглар :  Ўзбекистон МТЖ
Бу мурожаат Эктор Купердан кўра футболчиларимизга бағишланади.

Маълумки, шу пайтгача Эрон терма жамоаси билан Тошкентда тўрт марта ўйнаганмиз. Бугунги учрашув бешинчиси бўлади. Афсусланарлиси, бўлиб ўтган тўртта ўйиннинг бирортасида ғалаба қозониш тугул ҳатто гол ура олмаганмиз.

2012 йилнинг 3 июнь санасида "Жар" стадионида бўлиб ўтган баҳсда Одил Аҳмедов гол урганди, бироқ уни япониялик ҳакам Юичи Нишимура ҳисобламаган. Ўшанда ҳакам тўп дарвоза чизиғини кесиб ўтмади дея тоза голимизни инобатга олмаганди.

Эрон билан ўзимизда бўлган аввалги ўртоқлик учрашувида 0:0 ўйнаганмиз, учта расмий ўйинда эса бир хил 0:1 ҳисобида мағлуб бўлганмиз. Биз хоҳлардикки, бугунги баҳсда йигитлар мана шу "қора анъана"ни йўққа чиқариб, тарихда биринчи бор Эронни Тошкентда мағлуб этишса. 

Албатта, Эктор Купер ўз услубига содиқ қолиб бугун янада чуқурроқ ҳимояни йўлга қўйиши мумкин, лекин футболчиларимиз шу пайтгача Эронга қарши беллашувлар қандай ўтганини жуда яхши билишади ва шуни билган ҳолда ғалаба учун ўйнайдилар. 

Гарчи ўртоқлик даражасида бўлса ҳам, Эронни мағлуб этиш биз учун муҳим деб ўйлайман, чунки бу ҳам футболчиларнинг ўзига бўлган ишончини орттиради, ҳам Купернинг елкасидан тоғ ағдарилади. Мураббий сал бўлса-да ўзини енгил ҳис қилади. 

Шундай экан, бугун терма жамоамиздан яхши ўйин билан бирга ижобий натижа кутиб қоламиз. Ўртоқлик мақомида бўлса ҳам йигитлар Эронни ютишига тилакдошмиз. Тошкентда Эронни бир марта ютсак, ишонинг мухлисларнинг "вууу" деб стадиондан кетишларига бошқа сабаб қолмайди. 

Эктор Купер қандай таркиб ва тактика танламасин, футболчилардан фақат ғалаба кутиб қоламиз.

Муаллиф : Xayrulla Xoliqov
Рейтинг: +51   

Фикрлар

championat.asia
< сўнгги янгиликларни кўриш
Яндекс.Метрика