Биринчи лига. Мавсумнинг энг яхши дарвозабони: Элдор Тожибоев!

Буни қанчалик амалладик, муносиб баҳони ўқувчилар беришади. Лекин ҳар бир клуб расмийларидан бунинг учун алоҳида миннатдорчилик эшитиб келдик.

Ортда қолган мавсум-2014да биринчи лига учрашувларини сайтимизда ёритиб борилишида асосий ишни бажарган  4 нафар ходимимиз турли номинациялар бўйича энг яхшиларни аниқлади.

Хусусан жорий мавсумнинг энг яхши дарвозабони деб Элдор Тожибоев топилди. Эътиборлиси ушбу номинацияда ҳам “Шўртан” аъзоси ғолиб бўлди. Чиндан ҳам Тожибоев мавсумни юқори савияда ўтказди. Деярли барча учрашувда мураббийлар унга ишонч билдиргани ҳам сўзимизни тасдиқласа ажаб эмас. 28 ёшли посбон билан суҳбатлашганимизда жорий мавсум биринчи лигада ўйнаб, келаси бу орқали олий лигага қайтмоқчи эканлигини, муҳими ўйин амалиёти бўлишини таъкидлаб ўтганди. Ажаб эмаски, Элдор келаси йил ҳам элитада “Шўртан”нинг биринчи рақамли посбонига айланса.

Энг яхши дарвозабон:
Элдор Тожибоев (“Шўртан”) - 20
Андрей Бакланов (“Қўқон-1912”) - 14
Бекзод Омонуллаев (“Обод”) - 11  
Ҳусан Олимжонов (“Машъал-2”) - 11
Асилбек Омонов (“Оқ-тепа”) - 4