Биласизми? Полвонов 2006 йилдан буён ҳеч ким қила олмаган ишни қилди
07 апр 2019 19:31
Янгиликлар

Биласизми? Полвонов 2006 йилдан буён ҳеч ким қила олмаган ишни қилди

Суперлиганинг 3-туридан ўрин олган АГМК - "Қўқон-1912" учрашувида 7:1 ҳисоби қайд этилди.

Мазкур баҳсда майдон эгалари сафида Зафар Полвонов бешта гол уришга эришди. Сўнгги бор Ўзбекистон чемпионатида бундай ҳолат 2006 йилги мавсумда кузатилган экан.

Ўша йил бир йўла уч футболчи пента-трик қайд этишган: "Нефтчи" ҳужумчиси Носирбек Отақўзиев, "Динамо" вакили Ҳамдам Раҳмонов ва "Навбаҳор" легионери Ориф Мирзоев 2006 йил пента-трик муаллифи бўлишган экан.

Шу тариқа, Полвонов 12 йилдан кейин Ўзбекистон чемпионатида бир ўйинда бешта гол урган дастлабки футболчига айланди.

Ҳавола :

Манба : championat.asia

Янгиликларни Телеграмда ўқинг!

Рейтинг: +41