Беллингем Винисиуснинг тегинишидан сўнг йиқилган Маффео сўзлари ҳақида: "10 сония бокс, шундайми? Нозик аҳмоқ"
11 янв 19:26
Янгиликлар

Беллингем Винисиуснинг тегинишидан сўнг йиқилган Маффео сўзлари ҳақида: "10 сония бокс, шундайми? Нозик аҳмоқ"

Жуд Беллнгем Пабло Маффеога Винисиус Жуинор ҳақида айтган гапларини эслатиб қўйди.

"Реал"га қарши Испания Суперкубоги ярим финал учрашувидан олдин "Мальорка" ҳимоячиси қуйидаги сўзларни айтган эди: "Винисиусни 10 сония ичида нокаут қилган бўлардим. Бу тарихдаги энг кўп томоша қилинган тўқнашувга айланарди".

Учрашув мадридликларнинг 3:0 ҳисобидаги ғалабаси билан якун топди. Ўйин пайтида Маффео ва рақиблари ўртасида бир нечта келишмовчиликлар содир бўлди. Улардан бири 13 дақиқада рўй берди - Винисиус Маффеонинг кўксига тегиб кетди, шундан сўнг "Мальорка" футболчиси ўзини оғриқ ҳис қилаётгандек тутди.

Шундан сўнг Жуд Беллингем "Мальорка" ҳимоячиси Антонио Раильо билан баҳслашди, кейин Маффеонинг олдига яқинлашди: "10 сония, шунақами? 10 сония боксмиди? Жин ургур нозик аҳмоқ" - деди ярим ҳимоячи.

Ҳавола :

Манба : Marca

Янгиликларни Телеграмда ўқинг!

Рейтинг: +5