Беллингем "Реал"да махсус тартибда шуғулланмоқда

"Боруссия Д"дан "Реал"га келиб қўшилган ярим ҳимоячи ўтган мавсум Бундеслиганинг сўнгги турида жароҳат олганди. Шу сабабли у Англия терма жамоасининг июнь ойидаги ўйинларини ҳам ўтказиб юборди. 

Маълум бўлишича, у айни пайтда майдондан ташқари, алоҳида тартибда физиотерапевтлар билан шуғулланмоқда. Бунгача у бир неча маротаба умумий гуруҳда ҳам машғулотлар олиб борганди. 

У жамоа билан бирга АҚШдаги турнега ҳам боради. Унинг "Реал"даги дебюти 24 июль куни Лос-Анжелесда бўлиши мумкин. Ўша куни мадридликлар "Милан"га қарши ўйнашади.