UZ

Сўнгги янгиликлар

01:17"Манчестер Сити" марказий ҳимоячиси узоқ муддатга сафдан чиқди  0 00:53Артета: "Якшанба куни ҳам шундай ўйинни такрорлашимиз керак"  0 00:17Рубен Аморим: "Якшанба ҳақида ўйлашимиз керак"  0 23:40Миржалол Қосимов: "Ўйин сифати ҳақида гапиришга ҳали эрта"  7 23:35Суперлига-2025. ОКМК қўшимча дақиқаларда ғалабани илиб кетди  3 23:20Эрон. "Персеполис"да ғалаба, Остон Ўрунов қайтди  2 23:15Саудия Арабистони. "Ал Ҳилол", "Ал Насср" ва "Ал Аҳли"нинг таркиблари маълум!  0 22:59Улуғбек Бакаев: "Дуранг адолатли натижа бўлар эди, аммо футбол фақат 90 дақиқа ўйналмайди"  6 22:31Лукаку ўзининг идеал вазни қанчалигини айтди  3 22:05"Легенда"нинг ўзгаришлари иш берди  0 21:30Суперлига. Мавсумнинг илк ўйинида ОКМК сўнгги дақиқаларда урилган гол эвазига "Бухоро"ни мағлуб этди  38 21:10Пеп Гвардиола: "Агарда "Манчестер Сити" ЕЧЛга йўлланма олмаса, ҳаёт тугамайди"  4 20:43"Мен Рэтклиффни биламан, у яхши инсон ва тадбиркор" — Моуринью  3 20:18"Нефтчи"нинг "Бунёдкор"га қарши баҳс учун қайдномаси эълон қилинди  5 19:50"Пахтакор"ни 14 нафар футболчи тарк этди  6

Бахтиёр Ашурматов: «Таркибни шакллантиришда давом этмоқдамиз» Янгиликлар

Бахтиёр Ашурматов: «Таркибни шакллантиришда давом этмоқдамиз»

Ҳозирда "Навбаҳор" бош мураббийи таркибни шакллантиришга алоҳида эътибор қаратган ва бир қатор футболчиларни синовдан ўтказмоқда.
Жамоанинг тайёргарлиги хусусида Ашурматов билан мулоқотда бўлдик ва ўзимизни қизиқтирган саволларга жавоб олдик.

Таркибни шакллантириш хусусида

- Бугунги кундаги асосий вазифамиз жамоа таркибини шакллантириш саналади. Шу боис кўплаб футболчиларни синовдан ўтказмоқдамиз. Аммо, мураббий сифатида ҳозирда селекция ишларидан кўнглим тўлгани йўқ. Чунки, ўзимиз кутган даражадаги футболчиларни ҳали таркибга жалб эта олмаяпмиз. Яхши савиясидаги ижрочиларни бошқа клублар ўз сафларига қўшиб олишмоқда. Шу жиҳатдан бу борада бошқалардан оқсамоқдамиз. Мавсум бошланишига қадар вақт борлигини ҳисобга оладиган бўлсак, чемпионат стартига қадар барчасини ижобий томонга ўзгартиришга умид қилмоқдамиз. 19 февралгача пойтахтда шуғулланамиз. Футболчиларга қисқа муддатлик таътил эълон қилингач, 23 февралдан яна Тошкентда машғулотларга киришамиз. Ҳал қилувчи йиғинимизда жамоа шарафини ҳимоя қиладиган футболчиларни саралаб оламиз. Шу билан биргаликда жамоавий ўйин ва турли комбинацион усулларни шакллантиришга ҳаракат қиламиз.

Таркибга қўшилаётганлар борасида
- Тошкентдаги йиғин пайтида кўплаб футболчиларни жамоага таклиф қилдик. Мисол учун «Бунёдкор» клубидан Алишер Шоғуломов ва Ориф Мамажонов, «Пахтакор»дан Тоҳир Шамсиддиновларни жалб этдик. Уларни янги мавсумда жамоамизга фойдасини тегишига ишончим комил. Яна бир қатор футболчиларни синовдан ўтказмоқдамиз. Шунингдек, бир қатор яхши савиядаги ўйинчиларни сафимизга қўшиб олишни ният қилганмиз. Лекин, ҳали ҳам жамоамизнинг баъзи чизиқларида муаммолар йўқ эмас. Мисол учун марказий ҳимоямизни кучайтирмасак бўлмайди. Бугунги кунда бу чизиққа мос тушадиган футболчиларнинг ҳаммаси ўзига жамоа топиб бўлган. Мавсум бошланишига қадар ушбу муаммони ҳам ижобий тарзда ҳал қиламиз деган умиддаман. Бундан ташқари, олий лига ўйинларида кўп гол урадиган ҳақиқий ҳужумчи ҳам етишмаяпти. Тўғри, жамоада Абдумалик Абдуллаев, Алишер Шоғуломов, Соҳиб Абдуллаев сингари ҳужумчиларимиз бор. Аммо, биз булар билан чекланиб қолмасдан, яна бир маҳоратли ҳужум топишга ҳаракат қилмоқдамиз. Бугунги кунда мамлакатимиз футболида моҳир ҳужумчини топиш қийин кечмоқда. Шу жиҳатдан клубларимиз легионерларга ишонишмоқда. Шундай бўлсада, маҳаллий ҳужумчиларимиздан бирини таркибга қўшиб олсак, ёмон бўлмасди деган умиддаман.

Легионерларни таклиф қилиш тўғрисида
- Айни пайтда ўтган мавсумда «Бухоро» клубида тўп сурган белоруслик Юрий Рижко машғулотларимизда иштирок этмоқда. Ушбу футболчини сафга қўшиш пайиданмиз. Унинг ҳаракатлари мураббийлар штабига маъқул келди. Футболчини Наманганда олиб қолиш учун клуб раҳбарияти билан ўзаро гаплашиб оламиз ва имкониятларимиз тўғри келса, Рижкони таркибда олиб қолишни ният қилганмиз. Бу йил имкони бўлганида, таркибга яна битта легионер футболчини жалб қилишимиз мумкин эди. Бироқ, бу масалани раҳбарият ҳал қилади. Клубнинг молиявий аҳволидан келиб чиққан ҳолда иш тутамиз. Ҳозирги кунда яхши легионерни харид қилиш учун катта маблағ кетади. Савияси паст бўлган хорижликни жамоага олиб келиб, ярим мавсум ўйнатиб, жавоб бериб юборишдан фойда йўқ.

Дарвозабонлар борасида
- Яқинда жамоамизга «Сўғдиёна» дарвозабони Нодир Ашурматовни жалб қилдик. Ҳозирда жамоамизда иккита тенг савияли дарвозабонимиз бор. Улар Дониёр Усмонов ва Хуршид Хўжаевлардир. Айни пайтда Хўжаевнинг соғлигида муаммолар борлиги сабабли, Ашурматовни синовда ўтказмоқдамиз. Хўжаевни тез орада соғлигини тиклаб, яна сафимизга қайтишидан умидвормиз. Улар мавсум давомида жамоа учун фойдали ўйин кўрсатишларига ишончим комил. Шу жиҳатдан клубимизнинг бу борадаги муаммосини ҳал қилишга астойдил бел боғлаганмиз.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика