Бахтиёр Ашурматов: "Мағлубиятда айбдорман"
28 июл 2019 09:16
Янгиликлар

Бахтиёр Ашурматов: "Мағлубиятда айбдорман"

Суперлига 14-туридан ўрин олган "Сурхон" - "Насаф" (1:3) учрашувидан сўнг мезбонлар устози Бахтиёр Ашурматов учрашув ҳақида ўз фикрларини билдириб ўтди.

- Авваламбор бугунги мағлубият учун мухлисларимиздан узр сўрайман. "Насаф" яхши жамоа, лекин муҳлисларимиз олдида ўз майдонимизда бундан яхшироқ, тажовузкорроқ ўйин кўрсатишимиз керак. Биз мухлисларимиз олдидаги айбимизни ювиш учун кейинги ўйинларда худо хоҳласа керакли очколарни қўлга киритишимиз керак.

Раҳбарият жамоага ҳамма шароитларни яратиб бермоқда. Ойлик маошлар ҳам тўланди. Биз шунга яраша муносиб уйин кўрсатишимиз керак. Мағлубиятда айбдорман. Сурхондарёда яхши жамоа бўлиши учун юракдан меҳнат қилмоқдамиз. Насиб қилса, тез орада жамоамиз мухлисларимизга манзур бўладиган чиройли ўйин кўрсатишига ишониб қоламан", - дейди Бахтиёр Ашурматов.