"Бавария" Гвардиола билан кетма-кет учта Германия суперкубогини ютқазди

Мюнхеннинг "Бавария" жамоаси сўнгги бор Германия суперкубогида Гвардиола келиши олдидан ғалаба қозонган эди. "Бавария" 2012 йилда Юпп Хайнкес қўли остида ушбу мусобақада ғолиб чиққанди. Шундан сўнг жамоа рулига Гвардиола келиб ўтирди ва "Бавария" кетма-кет уч йилдан буён Германия суперкубогида рақибига имкониятни бой бермоқда.

Бу сафар мюнхенликлар "Вольфсбург" билан бўлган баҳсда тайёр ғалабани қўлдан бой беришди. Пенальтилар сериясида "бўрилар" "Бавария"ни енгишди.

Эслатиб ўтамиз, сўнгги пайтларда Гвариоланинг "Бавария" билан орадаги шартномани узайтирмаслиги ҳақидаги хабарлар кўп учрамоқда. Маҳаллий ишқибозлар ҳам Пепнинг ишидан кўнгиллари тўлаётгани йўқ.

Хосеп Гвардиоланинг "Бавария" билан тузган шартномаси ушбу мавсумдан сўнг ўз ниҳоясига етади.

Гвардиола "Бавария"га келганидан буён ҳали бирор марта Германия суперкубогини қўлга киритгани йўқ.