"Барселона" Умтити билан келиша олмаяпти

Олдинроқ маълум қилинганидек, жума кунига қадар "Барселона" 4 футболчиси билан хайрлашишни ният қилган ва уларнинг ичида айнан Умтити ҳам бор.

"Mundo Deportivo" хабарига кўра, бу ердаги асосий муаммо шундай: 2022 йилда футболчи "Барселона"га Ферран Торресни рўйхатдан ўтказишига ёрдам бериши учун шартномани узайтирганди. Ўшанда футболчи 10 фоиз маошидан воз кечган ва "Барселона" қолган 90 фоиз маошини 4 йил ичида бўлиб тўлаб беришини ваъда қилганди. Шу орқали футболчининг йиллик маоши сезиларли пасайганди.

Энди эса Умтити ўша камайган пулларини йўқотишни истамаяпти. Қайд этилишича, "Барселона" 2024 йил ёзига қадар маълум миқдордаги маблағни тўлаб беради ёки Умтитининг ўзи шартномани бекор қилиши керак бўлади.