"Барселона" собиқ футболчиси мавсум охирида фаолиятини якунлайди

Футболчининг клуб билан шартномаси 2018 йилнинг ёзида якунига етади.

"Бу менинг футболчи сифатидаги сўнгги мавсумим, кейин бутсаларимни михга иламан, аммо футболда қоламан. Мураббий бўлмоқчиман, аммо ҳозирча буни бажара олмайман. Ҳеч кимни алдаш ниятим йўқ, мураббийлик билимларига эга бўлишни истайман" - дейди Хави.

Хави фаолиятини "Барселона"да бошлаган. Футболчи 1995-2015 йиллар давомида Каталония клуби шарафини ҳимоя қилди. Кейин футболчи Қатарга кўчиб ўтди ва икки йилдан бери "Ал-Садд" шарафини ҳимоя қилмоқда.