Балотелли Неймарга: "Сен ПСЖда пенальти тепишни ҳатто сўраб ўтирмаслигинг керак"
19 сен 2017 22:22
Янгиликлар

Балотелли Неймарга: "Сен ПСЖда пенальти тепишни ҳатто сўраб ўтирмаслигинг керак"

"Ницца" ҳужумчиси Марио Балотелли Франция чемпионати 6-тури доирасида "Лион"га қарши ўйин (2:0)да ПСЖ ўйинчилари Неймар ва Кавани ўртасида юзага келган келишмовчиликка фикр билдирди.

Ўша ўйинда Эдинсон Кавани жарима зарбасини тепмоқчи бўлди, лекин Дани Алвес ундан тўпни олиб қўйди, якунда жаримани Неймар тепди. Кейинроқ, Неймар Каванидан пенальти тепишни олмоқчи бўлди. Аммо, уругвайлик ҳужумчи 11 метрликни ўзи амалга оширди ва гол ура олмади.

"Неймар, сен пенальти тепишни ҳатто сўраб ўтиришинг керак эмас", - деб ёзди Балотелли ўзининг инстаграмдаги саҳифасида.

Эслатиб ўтамиз, Балотелли "Интер"да ўйнаганида ўзи ҳам бир неча бор пенальти тепишни бошқа тажрибали шерикларидан олиб қўйишга уринган.

Ўйиндан кейин Неймар инстаграмда Каванини ўқишни тўхтатди. Хабар қилинишича, ўйинчилар кийиниш хонасида уришиб кетишларига сал қолган. Келишмовчиликнинг сабаби энг яхши тўпурарга бериладиган бонус бўлиши мумкин.