Баҳодир Жалолов америкалик рақибини мағлуб этди ВИДЕО

Ушбу жангда Баҳодирга америкалик Тайрел Райт рақиблик қилди. Олти раундга мўлжалланган жанг Нью-Йорк шаҳридаги машҳур “Madison Square Garden” аренасида бўлиб ўтди. Жалолов рингга Ўзбекистон халқ артисти Озодбек Назарбековнинг “Мендирман ўшал” қўшиғи садолари остида чиқиб келди.

Жанг муддатидан аввал якунланди. Олти раундлик жангнинг тўртинчи раундидан сўнг Райтнинг жамоаси баҳсни давом эттиришдан бош тортди. Тўрт раунд давомида кучли зарбаларни ўтказиб юборган мезбон боксчининг мураббийлари бу билан тўғри қарорга келишди. Жалолов учинчи жангини ҳам техник нокаут билан якунлади.

Маълумот учун, профессионал боксдаги фаолиятини 2012 йилда бошлаган Райт бугунгиси билан қўшиб ҳисоблаганда 14та жангда рингга кўтарилиб, уларнинг 9 тасида ғалаба қозонган (6та жангда нокаут эвазига рақибларидан устун келган). Бугун учинчи мағлубиятини қабул қилиб олди. Яна 2 та жангда дурангга эришган.

>>> ВИДЕОНИ КЎЧИРИБ ОЛИШ <<<