Баҳодир Аҳмедов: "Венесуэла билан иккинчи баҳсда таркиб ва ўйинимиз ўзгариши мумкин"
25 июн 2021 14:45
Янгиликлар

Баҳодир Аҳмедов: "Венесуэла билан иккинчи баҳсда таркиб ва ўйинимиз ўзгариши мумкин"

Теглар : Ўзбекистон футзал терма жамоаси Баҳодир Аҳмедов

Ўзбекистон футзал терма жамоаси кеча Венесуэлага қарши биринчи ўртоқлик ўйинини ўтказди .

Ушбу учрашувдан сўнг терма жамоамиз бош мураббийи Баҳодир Аҳмедов фикрларини билдириб ўтди.

"Рақибни ўрганиб чиққан эдик. Бугунги учрашувни яна таҳлил қилиб чиқамиз. Қаерда яхши ўйнадик, қандай хатоларга йўл қўйдик, ҳаммасини йигитларга кўрсатамиз. Бундай ўйинлар доим фойдали бўлади.
Венесуэланинг ҳужумчи билан ўйнаши устун томони ҳисобланади.
Футзалда бешинчи ўйинчини тушириш ҳолати кўп бўлиб туради. Футзалда ҳар қандай вазият юзага келиши мумкин. Шунинг учун бешинчи ўйнчидан фойдаланишга қарор қилдик.
Венесуэла билан иккинчи учрашувда таркиб ва ўйинимиз ўзгариши мумкин. Мазкур учрашувга муносиб тайёргарлик кўрамиз",- дейди Баҳодир Аҳмедов.