БАА Ўзбекистонга қарши ўйингача тўрт нафар бразилиялик ва икки африкалик футболчини маҳаллийлаштиради
28 авг 19:02
Янгиликлар
![](https://championat.asia/upload/storage/800136_original.jpg)
![](/upload/storage/800136_220.jpg)
БАА Ўзбекистонга қарши ўйингача тўрт нафар бразилиялик ва икки африкалик футболчини маҳаллийлаштиради
Бирлашган Араб Амирликлар терма жамоаси 2026 йилги Жаҳон чемпионатига йўл олишни жиддий мақсад қилмоқда.
Амирликларнинг португалиялик бош мураббийи Паулу Бенту мундиалга йўл олиш учун мавжуд имкониятлардан тўлиқ фойдаланмоқчи. Жумладан, мамлакатда беш йилдан бери фаолият юритиб келаётган хорижлик футболчиларни маҳаллийлаштириш орқали таркибни яна-да кучайтиришни режа қилган.
Жумладан, 2019 йилдан бери БААда истиқомат қилаётган "Ал Наср"нинг бразилиялик ҳимоячиси Глаубер Лима ва "Дибба Ал Фужайра"нинг зимбабвелик ярим ҳимоячиси Тафадзва Дливайо июль ойидан бошлаб мамлакат терма жамоаси шарафини ҳимоя қилиш имкониятига эга бўлди.
Шунингдек, БАА октябрь ойига қадар кот-д'Ивуарлик Куаме Отонн Куадио ("Ал Айн" ҳимоячиси) ва яна уч нафар бразилиялик футболчини маҳаллийлаштиришни режа қилган, Бруно Консейсан де Оливейра ("Ал Жазира" ҳужумчиси), Жонатас да Анунсиасан Сантос ("Ал Айн" ярим ҳимоячиси) ва Лукас Пимента ("Ал Ваҳда" ҳимоячиси).
Эслатиб ўтамиз, Бирлашган Араб Амирликлари ЖЧ-2026 саралаш босқичида Эрон, Қатар, Ўзбекистон, Қирғиз Республикаси ва Шимолий Корея билан бир гуруҳдан ўрин олган.
Куаме ОЧЛнинг ўтган мавсумида "Пахтакор" ва "Насаф"га қарши тўп тепган.
Араблар Ўзбекистонга қарши илк ўйинини 15 октябрь куни меҳмонда ўтказади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар
O'zimizni qorako'zlarimizdan qo'ymasin. Olg'a O'zbegim!
Баа хам биз билан эрон хамда катарни олдига кушилди
Баа хам биз билан эрон хамда катарни олдига кушилди