Азиз Ҳайдаров: "Танаффусда Филиппин - КХДР учрашуви ҳақида қизиқмадик"
30 мар 2016 12:13
Янгиликлар

Азиз Ҳайдаров: "Танаффусда Филиппин - КХДР учрашуви ҳақида қизиқмадик"

Ўзбекистон - Баҳрайн учрашувидан (1:0) сўнг ярим ҳимоячи Азиз Ҳайдаров баҳс борасида фикрларин билан бўлишди.

"Баҳрайн Осиё чемпионати йўлланмаси учун курашаётган эди ва бугун шунга яраша ўйин намойиш этишди. Баҳрайнликлар кўпроқ ҳужум қилишини кутгандик ва биз қарши ҳужумлар билан жавоб қайтардик. 1:0 ҳисобида зафар қучдик. Бугун мухлислар кутган ўйинни намойиш эта олмаган бўлишимиз мумкин, аммо бу ҳам ғалаба дегани.

20 кун ўйин амалиётисиз қодлдим. Учрашувни сўнгги 20 дақиқасида чарчаганимни ҳис қилдим. Аммо жамоадошларим менга ёрдам беришди ва бунинг учун уларга раҳмат айтаман.

Кейинги босқичдаги ғалабалар билан бу учрашувлар унутилади деб ўйлайман. Бугун мухлисларимиз учун байрам бўлди.

Танаффус пайтида Филиппин - КХДР баҳси борасида ҳеч қандай маълумот олганимиз йўқ. Олдимизга ғалаба қозониш вазифаси қўйилган эди. Мураббий бугун мухлислар учун чиройли ўйин кўрсатишимизни сўраганди" - дейди Азиз Ҳайдаров.