Азар фаолиятидаги энг яхши ўйин ҳақида гапирди

“Ўйлашимча, ЖЧ-2018 чорак финалида Бразилия термаси устидан қозонилган ғалаба фаолиятимдаги энг яхши ўйин сифатида эсда қолган. Таъкидлашим жоиз, бу беллашувда мен на гол урганман, на голга ҳаммуаллифлик қилганман. Одамлар доим мендан самарали ҳаракатларни кутишади. Аммо биз бир жамоа сифатида ажойиб ўйин кўрсатганмиз. Бразилияни мағлуб этиш ҳеч қачон осон бўлмаган. Бу беш карра жаҳон чемпиони деган номга эга дунёдаги ягона мамлакат. Аммо биз уларга қарши фантастик ўйин кўрсатиб, ғолиб чиққамиз. Бу матч ва ундаги ҳаяжон бир умр ёдимдан чиқмаса керак.

Мен Белгия термаси билан учта йирик мусобақада қатнашдим. Аммо ЖЧ-2018 мен учун катта сабоқ бўлди. Шасхан мен учун, футболчилар ва мухлислар учун бу катта натижа бўлди. Биз мусобақа ярим финалига қадар етиб бордик. 1986 йилги мундиалда Белгия 4-ўринни қўлга киритиган ва ўшанда бутун мамлакат бу ҳақда гапирганди. Биз эса бу гал ЖЧда 3-поғонани эгалладик. Россиядага Брюсселга қайтганимизда, мамлакатдаги байрамни кўриб нима учун футбол ўйнаётганимизни тушуниб етганман. Мухлислар ва футболчилар ўртасида мустаҳкам алоқа ўрнатилганлиги бундай юксак натижани қўлга киритишимизга асосий сабаблардан бири бўлганди”, дея “Челси” ҳужумчисининг фикрларидан иқтибос келтирмоқда клуб расмий сайти.