Асилбек Омонов: "Насаф"га қарши ўйин финалга тенг бўлади"
24 апр 2016 10:51
Янгиликлар
![](https://championat.asia/upload/storage/205916_original.jpg)
![](/upload/storage/205916_220.jpg)
Асилбек Омонов: "Насаф"га қарши ўйин финалга тенг бўлади"
“Бухоро” – “Насаф” учрашуви олдидан мезбонлар дарвозабони Асилбек Омонов бўлажак ўйин тўғрисидаги фикри билан ўртоқлашди.
- Бу ўйин муҳимлик ва принципиаллик нуқтаи назаридан финалга тенг, деб ўйлайман. Албатта ушбу ўйинда ҳар икки жамоа ғалаба учун майдонга тушади. Айниқса ўз уйимизда, мухлисларимиз қаршисида ўйнаётганлигимиз учун зафар қозониш истаги ҳар доимгидан юқори.
Рақиб ҳақида гапирадиган бўлсак, тан олиш жоиз “Насаф” узоқ йиллардан буён чемпионатимизда кучли ва барқарор ўйнайдиган, ўз олдига юқори марраларни кўзлайдиган жамоа сифатида шаклланган. Кейинги йилларда у ОЧЛда ҳам рақобатбардош команда сифатида ўзини намоён этмоқда.
Аммо бу ўйинни рақибга осонгина топшириб қўямиз, дегани эмас. Жамоамизда юқори савиядаги ўйинчилар йиғилган. Мураббийлар кўрсатмаларини тўлиқ бажариб, ўз ўйинимизни намойиш эта олсак биз ҳар қандай рақибни ҳам юта оламиз. Ҳар ҳолда олиб бораётган машғулотларимиз сифати ҳамда “12-ўйинчи” сифатида мадад бериб турган мухлислар далдаси ана шундай дадил гапиришимизга имкон беради.
Айни пайтда “Бухоро” жамоасининг бу йилги чемпионатдаги таркиби ва қайд этаётган натижалари мухлислар ўртасида кучли қизиқиш ва жоиз бўлса шов-шувларга сабаб бўлмоқда. Биз ана шу темпни сақлаган ҳолда келгуси ўйинларда ҳам мухлислар ишончини ва меҳрини қозонишда давом этишга ҳаракат қиламиз, - дейди Асилбек Омонов.
"Бухоро" матбуот хизмати
Рақиб ҳақида гапирадиган бўлсак, тан олиш жоиз “Насаф” узоқ йиллардан буён чемпионатимизда кучли ва барқарор ўйнайдиган, ўз олдига юқори марраларни кўзлайдиган жамоа сифатида шаклланган. Кейинги йилларда у ОЧЛда ҳам рақобатбардош команда сифатида ўзини намоён этмоқда.
Аммо бу ўйинни рақибга осонгина топшириб қўямиз, дегани эмас. Жамоамизда юқори савиядаги ўйинчилар йиғилган. Мураббийлар кўрсатмаларини тўлиқ бажариб, ўз ўйинимизни намойиш эта олсак биз ҳар қандай рақибни ҳам юта оламиз. Ҳар ҳолда олиб бораётган машғулотларимиз сифати ҳамда “12-ўйинчи” сифатида мадад бериб турган мухлислар далдаси ана шундай дадил гапиришимизга имкон беради.
Айни пайтда “Бухоро” жамоасининг бу йилги чемпионатдаги таркиби ва қайд этаётган натижалари мухлислар ўртасида кучли қизиқиш ва жоиз бўлса шов-шувларга сабаб бўлмоқда. Биз ана шу темпни сақлаган ҳолда келгуси ўйинларда ҳам мухлислар ишончини ва меҳрини қозонишда давом этишга ҳаракат қиламиз, - дейди Асилбек Омонов.
"Бухоро" матбуот хизмати
Ўхшаш янгиликлар
![AMP Logo](https://championat.asia/image/logo-amp.png)
Фикрлар