Асилбек Омонов: “Мақсадимиз ғалаба эди ва бунга эришдик”
24 окт 2016 09:15
Янгиликлар

Асилбек Омонов: “Мақсадимиз ғалаба эди ва бунга эришдик”

“Бухоро” — “Локомотив” жамоалари учрашуви (2:1) якунлангач, бухороликлар дарвозабони, учрашув қаҳрамонларидан бири Асилбек Омоновнинг ўйин ҳақидаги фикри билан қизиқдик.

—Бугунги ғалаба билан барча “Бухоро” мухлисларини табриклайман. Айнан уларнинг қўллаб-қувватлаши ғалабамизнинг муҳим омили бўлди. Турнир пешқадами билан ўйин осон бўлмади. Бу ерда терма жамоанинг аксарият футболчилари йиғилишган. Ҳар бир чизиқ кучли. Аммо биз ҳам футбол ўйнаймиз. Бизнинг ҳам олдимизга юқори вазифалар қўйилган. Шу боис жамоадошларим билан фақат ғалаба илинжида ҳаракат қилдик ва мақсадимизга эришдик. Ўз ўйинимга келсак, қўлдан келганча мураббий ва мухлислар ишончини оқлашга ҳаракат қилдим. Насиб этса кейинги ўйинларда мухлисларни хурсанд этишда давом этамиз, - дейди Асилбек Омонов

"Бухоро" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +11