Артур Юнусов: "Ярим финалдаги ҳар бир жамоа бош совринни қўлга киритиши мумкин"
13 апр 2017 13:08
Янгиликлар

Артур Юнусов: "Ярим финалдаги ҳар бир жамоа бош совринни қўлга киритиши мумкин"

Кеча футзал бўйича XXI миллий чемпионат ярим финал беллашувларига старт берилди.

Мамлакатимизнинг амалдаги чемпиони "Олмалиқ" кеча "Бунёдкор"ни қийинчилик билан мағлуб этди (2:1). Ўйиндан кейин олмалиқликлар аъзоси Артур Юнусов фикрларини билдириб ўтди.

"Айни пайтга келиб чемпионатда енгил ғалабага эришиб бўлмайди. Бу ярим финал ва ундаги жамоаларнинг бари шунга яраша тайёрланишган. Чунки, ютқазган финалсиз қолади. "Бунёдкор" ёш ва келажаги бор жамоа, таркибида исталган пайтда гол уриши мумкин бўлган тажрибали ўйинчилари ҳам бор. Рақибимизнинг ёш футзалчилари исталган пайт қўшимча куч қўша оладилар. Ҳозир фақат "Олмалиқ" ва "Ардус" кучли эмас. Қолган иккита жамоа ҳам жуда кучли ва уларнинг ҳар бири чемпионатда бош совринни қўлга киритмоқчи", - деб айтиб ўтди Юнусов.