Артета Европа лигасидан чиқиб кетгандан сўнг фикр билдирди

Лондонликлар 1/8 финалда пенальтилар сериясида "Спортинг"га ютқазиб қўйишди. 

"Йўқ, биз етарлича иш қила олмадик, чунки ғалаба қозона олмадик. Бу шубҳасиз кучли зарба. 75-дақиқагача бўлган вазиятларда биз ўз даражамизда бўлмадик. Барча тўпларни бериб қўйдик ва ўйинда устунликка эришиш имкониятларимиз бўлмади. 

Сўнгги 15 дақиқа ва қўшимча вақтда бизда ғалаба қозониш учун имконият бўлди, иш пенальтигача етиб борганида эса бизда ҳаяжон бўлди ва ютқазиб қўйдик. 

Ўзимизга бир қараб олиб, нима учун кейинги босқичга чиқа олмаганимизни тушуниб олишимиз лозим. Энди бизда 11 та ўйин бор ва уларнинг биринчиси "Кристал Пэлас"га қарши ўтказилади", - деди Артета.