"Арсенал" футболчилари "Челси" дўконидан рақиб жамоа пайпоқларини сотиб олишга мажбур бўлди
16 мар 2024 16:46
Янгиликлар
"Арсенал" футболчилари "Челси" дўконидан рақиб жамоа пайпоқларини сотиб олишга мажбур бўлди
Аёллар ўртасида Англия чемпионати доирасидаги "Челси" — "Арсенал" учрашуви 30 дақиқа кеч бошланди, сабаби "канонирлар" "Стемфорд Бриж"га нотўғри рангдаги пайпоқ (гетри)лар олиб келишганди.
"Арсенал" клуб расмийсининг хатоси туфайли "Челси" дўконидан сотиб олинган қора рангдаги пайпоқларда тўп тепишга мажбур бўлди. Жамоа қизишиш машғулотларида оқ пайпоқларда майдонга чиқди, бироқ мезбонлар ҳам шу рангдаги пайпоқда бўлгани боис, ўйин комиссари "тўпчилар"га бошқа рангдаги пайпоқ кийиш талабини қўйди.

Ноилож қолган "Арсенал" рақибнинг меҳмондаги ўйинларда фойдаланадиган қора-кўк гетриларини харид қилишга мажбур бўлди, футболчилар клуб эмблемаси ва ишлаб чиқарувчи ҳамкор логотипини беркитиш учун махсус лента таққан ҳолда майдонга чиқишди.

Беллашув "Челси" аёллар жамоасининг 3:1 ҳисобидаги ғалабаси билан якунланди.
Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. "Насаф" "Навбаҳор" майдонида очко йўқотди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган
Фикрлар