"Арал Самали" бош директори: "Молиявий ҳолатимизни яширишни ҳожати йўқ"

Унда дастлаб "Арал Самали" клуби бош директори Даулетмурат Бекмуратов фикрларини билдирди.

"Машъал" жамоасини ғалаба билан табриклайман. Йирик ҳисобдаги мағлубиятга келсак, жамоамизда ёш футболчилар йиғилган. Уларнинг айримлари 2004-2005 йилда туғилган болалар. Муборак шаҳри жамоаси аввалдан кучли бўлиб келган. Қўл остимиздаги ёш футболчилар билан кейинги учрашувларда ғалаба қозонишга ҳаракат қиламиз ",- дейди клуб бош директори. 

- Бугунги учрашув қайдномасида "Арал Самали"да бош мураббий йўқлигини кўрдик...

- Бош мураббийимиз бор. Тимур Турдиев кейинги учрашувларда биз билан келади. 

- Жамоа суъний майдонда ўйнаб келмоқда. Табиий майдонга ўтиш режада борми?

- Истасак ёки истамасак Қорақалпоғистон шароитида табиий майдон ўстириш қийин. Бугунги ўйинга майдонга таъсир қилди барибир. Чунки биз суъний майсада тайёргарлик кўрамиз. Тўп бошқача ҳаракатланади. 

- Жамоанинг Про лигадаги мақсадлари қандай? Ёзги трансфер вақтида 10 нафар футболчини тарк этиши молиявий ҳолатданми? 

- Молиявий ҳолатимизни яширишни ҳожати йўқ. Кетган футболчилар ўрнига ёшларни жалб қилдик. 

- Раҳбарият сафар ўйинларига маблағ ажратяптими?

- Биз ўзимизга қулай бўлган транспорт воситасида қатнаяпмиз.