Анвар Бердиев: "Ҳимоячиларимиз ўз вазифасига нисбатан лоқайдлик қилишди"

- Ўйин ҳақида

- Ўйиндан аввал "Бухоро" стандарт вазиятлардан фойдаланишга интилишини уқтиргандик. Афсуски, ҳимоячиларимиз ўз вазифасига нисбатан лоқайдлик қилишди. "Бухоро"ни ғалаба билан табриклайман. Учрашувни таҳлил қилиб, кейинги ўйинга тайёргарлик кўришни бошлаймиз. 

- Жамоа ўтган тур пешқадам "Қўқон-1912"ни мағлуб этди, кубокда ҳам ёмон иштирок этмади. Лекин барқарорлик етишмаяпти. Бунинг учун нима устида ишлаш керак?

- Бу, аввало, футболчининг ўзига боғлиқ. Футболда ҳар бир деталга эътибор беришмиз лозим. Буни ўйинчиларга уқтириб келяпмиз. Йигитлар Ғузорда яхши тайёргарликда майдонга чиқишяпти, сафарда эса ўзларини йўқотиб қўйишяпти. Буни муҳокама қиламиз. Камчиликларни бартараф этишга ҳаракат қиламиз. 

- Кўзланган натижага эришолмаслигига таркибда рақобат йўқлиги ёки мавжуд ўйинчилардан фойдалана олинмаётгани сабаб бўлиши мумкин. "Шўртан"да қай бир жараён содир бўлмоқда?

- Жамоада рақобат яхши. Ғалаба бўлаверса, йигитларда ўзига бўлган ишонч ортади. Мутаносиблик бўлмаганида, бу натижага ҳам таъсир ўтказади. Фақатгина машғулот орқали камчиликларни бартараф этиш мумкин.