UZ

Сўнгги янгиликлар

16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  0 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  1 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  4 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  3 12:40Ла Лига раҳбари Тебас клублар ўртасидаги ЖЧ ҳақида: "Бу турнир бошқа ўтказилмаслиги учун қўлимдан келган барча ишни қиламан"  10 12:15Дьокереш инглиз клуби билан келишиб олди  2 11:47Факт: Вадим Абрамов жамоаси Виталий Левченко бошқараётган "Нефтчи"ни ҳали ютмаган  9 10:48Бугун аёллар терма жамоамиз Лаосга қарши баҳс олиб боради  0 10:19Суперлига. 15-тур расмийлари маълум. Марказий учрашувни Лутфуллин бошқариб боради  6 09:44Алонсо ғалабадан сўнг ўз фикрларини билдириб ўтди  11 09:17Ўзбекистон кубоги. Бугун сўнгги чорак финалчилар аниқланади  4 08:48Ўзбекистон МТЖ аъзоси “Пахтакор“га қайтиши мумкин  20 08:20Клублар ўртасидаги ЖЧ. Чорак финал жуфтликлари билан танишинг  31 07:57Клублар ўртасидаги ЖЧ. Сўнгги чорак финалчи аниқланди  2

Англия Кубоги финали, "Манчестер Сити" ва тен Хаг ҳақида Уэйн Руни нималар деди? Янгиликлар

Англия Кубоги финали, "Манчестер Сити" ва тен Хаг ҳақида Уэйн Руни нималар деди?

"Манчестер Юнайтед"нинг собиқ футболчиси Уэйн Руни Англия Кубоги финали ҳақида гапирди.

"Англия Кубоги билан ҳеч нимани солиштириб бўлмайди. Кубокни кўтарганимда болалигимдаги орзум ушалганини ҳис қилгандим. Шунчалар бахтли эдимки, совринни бериб юборгим келмади. Икки ўғлим ўшанда кубок билан бирга ухлаганди.

Ўша куни кубокни ҳамкорлар билан улашишим керак эди, бироқ буни истамагандим. 

Уларга кубок жамоа билан қолишини айтдим. Уйга қайтганимдан кейин кубокни ўғилларим Кай ва Клей ухлаб ётган жойига қўйдим. Бу ажойиб ҳолат эди".

- "Манчестер Сити" билан финал ҳақида

"Шанба кунги ўйин "Юнайтед" учун сўнгги йиллардаги энг муҳим учрашув бўлади. Уларда "Сити"га треблни қўлга киритишга халақит қилиш имкони бор. Қачонки Сиз "Юнайтед"да ўйнасангиз, 1999 йилги афсоналарни доимо ёдда сақлашингиз керак.

"Сити"нинг "Реал"ни парчалаб ташлашини тахмин қилгандим. Ҳозир эса босимларга бой финал бўлишини кутяпман. Қўшимча вақтлар ва пенальтилар серияси бўлишини тахмин қиляпман. Шунингдек, "Юнайтед" ютишини истайман. Бунга жуда-жуда умид қиляпман". 

- Жамоанинг финалга муносабати ҳақида

"Менимча, тен Хаг риск қилиб кўрса бўлади. Мен бўлганимда Моуриньюнинг бир вақтлар "Челси"да Жо Коул, Арьен Роббен ва Демьен Дефонинг қанот ярим ҳимоясида ўйнатган тактикасини қўллаб кўрардим.

Уларга қарши ўйнаш биз учун доим қийин бўлган. Қачонки ҳужум қилаётганингизда ичингиздан: "Роббен қаерда? Коул қаерда? Ортда қолиб кетдими? Улар ҳозир қайси нуқтада?", деган фикрлар ўтарди.

8 киши бўлиб ҳимояланиш ва Марсьяль ҳамда Маркусни қарши ҳужумда ўйнатиш. "Юнайтед"ни 4-4-2 схемасида ўйнатардим. Каземиро марказда Эриксен ёки Мактомини билан, Фернандеш ва Фред тўпни қанотларга тортади. 8 футболчини ҳимояга жойлаштирган бўлардим".

- тен Хаг хақида

"Эрик Англиядаги илк мавсумини яхши ўтказди. Жамоа мавсумни кучли тўртликда якунлади ва бир соврин ютди. Шунингдек, яна бир соврин қўлга киритиш имкони бор. "Юнайтед" яхши мавсум ўтказди, шу сабабли мухлислар янгисидан янада яхшироғини кутишга хақли".

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика