Андрей Фёдоров: “Янгилардан кимдир асосий таркибда тушиши мумкин”

– “Насаф”га қарши ўйин учун тайёргарлик биз режалаштирган ҳолат бўйича кетмоқда. Шукурки, ҳеч ким жароҳатланмаган, барча футболчилар соғлом. “Насаф” ҳали умуман бундай ҳолатда бўлмаганди. Бироқ уларга қарши баҳс ҳар доим қизиқарли кечган. Ўйин бизга ҳам “Насаф”га ҳам қийин кечади. 18 июнь кунги баҳсда биз бунга қандай тайёргарлик кўрганимизни кўрсатиб беради. Йигитларни барча баҳсларга жиддий тайёрлантиришга ҳаракат қиляпмиз. Ҳозир лигада осон ўйинлар йўқ.

Янги футболчилардан кимдир асосий таркибга кириши мумкин. Бироқ уларнинг барчаси ҳам 90 дақиқа ўйинда қатнаша олмаса керак. Бугун ва эртага бўладиган машғулотларда улар билан жисмоний ҳолат борасида гаплашиб оламан. Ўйиндан бир кун олдинги машғулотларда йигитлар билан ўйиннинг режаларини тузиб оламиз ва кимлар асосий таркибда тушишини аниқлаймиз.