“Андижон” кечадан йиғилди

3 ноябрдан жамоа ўз қароргоҳига йиғилди. Машғулотлар бир ҳафтача давом этиши кўзда тутилган.

Тўғри, таркиб ҳали тўлиқ йиғилгани йўқ. Қолаверса, машғулотлар кунига бир маҳалдан ўтказилмоқда. Бугун “Соғлом авлод” стадионида асосий таркиб футболчилари ёшларга қарши назорат учрашувини ўтказди.

Бу беллашувда кучлар тенг келди – 1:1.

Учрашувда таркиб қуйидагича бўлди: Акмал Турсунбоев, Даврон Турсунов, Ғиёс Комилов, Раҳим Қодиров, Икром Ибрагимов, Акрам Комилов, Асрор Раҳмонов, Расул Раҳмонов, Асқар Жадигеров, Сардор Соибов, Андрей Сидоров.

Захирадан майдонга тушганлар: Баҳром Абдураҳимов, Дилмурод Маҳмудов, Д.Жалолдинов.
Гол: Акром Комилов.

Кейинги ҳафтада жамоамиз яна бир ўйин ўтказишни режалаштириб турибди.

Шунингдек, жамоа биринчи лигани муваффақиятли ўтказиб олий лигага қайтгани муносабати билан байрам тадбири ташкил этишни ҳам режалаштирган.