"Андижон"дан байрам тилаклари

Александр Хомяков: "Янги йил янги ғалабалар олиб келсин!"

Аввало, бутун Ўзбекистон аҳлини, шу жумладан "Андижон" футбол клубининг минглаб мухлисларини кириб келаётган Янги - 2020 йил билан чин қалбимдан табриклайман!

Янги йил барчамизга омад, ғалаба, зафар ва қувончли кунлар олиб келсин! Якунланиб бораётган эски йилда эриша олмаган мақсадларимизга 2020 йилда эришишни тилаб қоламан!

Барчангизга Янги йилда сиҳат-саломатлик, оилавий тинчлик, хонадонингизга қут-барака тилаб қоламан. 2020 йилда барча ўйлаган мақсадларингизги рўёбга чиқишига тилакдошман!

Фарҳод Бекмуратов: "Янги йил қувончли ва файзли келсин!"

Кириб келаётган 2020 йил билан бутун Ўзбекистон аҳлини, қолаверса, севимли мухлисларимизни чин қалбимдан муборакбод этаман!

Янги йил хонадонингизга қут барака олиб келсин! Янги йилда олдимизга қўйилган барча мақсадлар амалга ошсин!

Барчангизги соғлик-омонлик, файз-барака тилаб қоламан!

Янги йил муборак!

Ильдар Маматказин: "Янги йил янги омад ва янги зафарлар олиб келсин"

Саноқли соатлардан кейин кириб келадиган Янги - 2020 йил барчангизни хонадонингизга файз-барака ва олам-олам қувонч олиб келсин!

2020 йил давомида омад асло тарк этмасин! Ўйлаган барча эзгу-мақсадларимиз амалга ошсин!

Янги йилингиз муборак бўлсин!