Алонсо "Барселона"ни тарк этиш ниятида эмас
26 авг 2023 12:40
Янгиликлар

Алонсо "Барселона"ни тарк этиш ниятида эмас

"Барселона" ҳимоячиси Маркос Алонсо унинг шартномаси 2023/2024 йилги мавсумда Ла Лигада рўйхатдан ўтказилишига ишонмоқда, деб хабар берди "Mundo Deportivo".

Манбага кўра, испанияликнинг келажаги клуб раҳбариятининг молиявий фэйр-плейга қанчалик риоя қилишига боғлиқ. Қайд этилишича, "Барселона" бош мураббийи Хави Алонсодан футболчи сифатида тўлиқ қониқиш ҳосил қилади. Футболчининг ўзи ҳам клубга ишонади ва янги жамоа изламоқчи эмас.

"Барселона" ҳали Ла Лиганинг янги мавсуми учун ўйинчини рўйхатдан ўтказмаган, шу сабабли футболчининг келажаги номаълум.

32 ёшли испаниялик футболчи ўтган ёзда эркин агент сифатида "Челси"дан "Барселона"га ўтганди. Футболчининг келишуви 2024 йилнинг ёзига қадар мўлжалланган. Футболчининг трансфер нархи 5 миллион еврони ташкил қилади.

Алонсо ўтган мавсум Ла Лигада 24 та ўйинда майдонга тушиб, 1 та гол урган.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +2