Александр Мочинов: "Хатоларимиз эвазига ютқаздик"

"Аввало "Пахтакор"ни ғалаба билан табриклайман. Ўйлашимча, уларга биз билан бўлган ўйин анча қийин бўлди. Бугунги учрашув қизиқарли ва мухлислар учун томошабоп кечди. Йўл қўйган хатоларимиз учун бугун мағлубият учрадик деб ўйлайман", - дея гап бошлади Александр Мочинов.

- Алибобо Раҳматуллаев бугун нега қайдномага киритилмади?
- Чунки бу борада "Пахтакор" билан ўзаро келишувимиз бор эди.

- Алибобо Раҳматуллаевни ижара асосида олганмисизлар?
- Йўқ. Бу шунчаки оғзаки эркакча келишувимиз бўлган. Расмий шартномада бу кўрсатилмаган. Бу шунчаки норасмий келишув бўлган.

- Кочневнинг ўйини сизни қониқтирмоқдами?
- Ҳеч қачон мураббий футболчиларидан тўлиқ қониқмаса керак. У жуда ҳам тиришқоқ ва интилувчан футболчи. Евгений Кочнев яхши ўйнашга ҳаракат қилмоқда ва машғулотларда анча тер тўкмоқда. Ўйлайманки, яқин орада янада кучлироқ ўйнайди.