Акром Комилов: "Рўзиқул Бердиев ажойиб мураббий"
16 ноя 2017 14:25
Янгиликлар

Акром Комилов: "Рўзиқул Бердиев ажойиб мураббий"

Куни кеча Ўзбекистон миллий терма жамоаси БАА билан ўртоқлик учрашуви ўтказиб 0:1 ҳисобида мағлубиятга учраганидан барчанинг хабари бор.

Ушбу ўйиндан кейин терма жамоага ҳимоячиси Акром Комилов ўз фикрларини билдириб ўтди.

"Биринчи навбатда менга ишонч билдириб миллий терма жамоага таклиф қилгани учун мураббийлар штабига раҳмат айтаман. Йиғинга жалб қилинган футболчилар билан 5 кун ичида чиқишиб кетиш осон кечмайди. Жамоадаги футболчилар бир-бирини яхши тушуниб олиши учун бироз вақт керак.

Мағлубиятга мураббий ёки футболчилар айбдор деб айтмаган бўлардим.

БААга қарши баҳс яхши ўтди. Битта ҳужум ва битта гол ўтказиб юбордик. Уларга қараганда бизда голга тортадиган вазиятлар кўпроқ бўлди. Афсуски улардан унумли фойдалана ололмадик.

Мағлубиятга мураббий ёки футболчилар айбдор деб айтмаган бўлардим. Бир-биримизни яхши тушунмаганимиз сабабли мағлубиятга учрадик. Агарда ушба жамоа билан ярим ёки бир йил ишланса, бундай терма жамоани тўхтатиш қийин бўлади.

Рўзиқул Бердиев ажойиб мураббий. Биринчи маротаба ушбу мутахассис қўл остида машғулот ўтказдим", - дейди Акром Комилов.

Жаҳонгир Сотволдиев ёзиб олди