Акмал Холматов 7 йилдан сўнг яна "Нефтчи"га қайтди

Жамоа мухлислари учун хушхабар бор. Бу Акмал Холматовнинг яна қадрдон жамоасига қайтишидир. Тажрибали футболчи 2007 йили "Нефтчи" билан хайрлашиб, "Пахтакор" таклифини қабул қилганди. Орадан 7 йил ўтиб Холматов ниҳоят ўзи учун бегона бўлмаган жамоага қайтди.

Албатта ушбу янгилик фарғоналик ишқибозларни беҳад қувонтириши турган гап. Буни яхши англаган холда футболчи ҳам иккинчи даврада муносиб ўйинлари билан, "Нефтчи" муваффақиятларига салмоқли ҳисса қўшишни мақсад қилмоқда.

Умид қиламизки, Акмал Холматов яна ўзининг жаримадан йўллайдиган зарбалари ва фойдали голлари билан "Нефтчи" мухлисларига қувонч улашади. Бу йўлда футболчига омад тилаймиз!