АГМК - "Машъал": Превью

АГМК ва "Машъал" жамоалари бунга қадар 18 бор чемпионатда ва 1 маротаба кубок баҳсида ўзаро тўқнаш келишган. Мазкур қарама-қаршиликда устунлик "Машъал" тарафида. Ўтказилган 19 учрашувда АГМК 6 ғалабага эришган, 4 маротаба дуранг қайд этилган ва 9 бор мағлубиятга учраган. Тўплар нисбати ҳам "Машъал" фойдасида: 20-23.

Қизиғи, Ўзбекистон Кубоги доирасида "Машъал" билан бир маротаба дуч келган. Ўтган йилги чорак финал беллашувида "Машъал" Олмалиқда таслим этилган ва АГМК ярим финал чиптасига эгалик қилганди. Кетма-кет иккинчи йилдирди кубок доирасида олмалиқликлар "Машъал" билан дуч келмоқда.

Айни пайтда кубокдаги рақиб "Машъал" Про-лигада 13-турдан сўнг 27 очко жамғарган ҳолда "Истиқлол" билан пешқадамликни бўлишиб турибди. Муборакликларни ўтмишда моҳир футболчи, ҳимоя чизиғи вакили бўлган Асрор Алиқулов бошқармоқда. Александр Хомяков жамоадан кетгач бош рулга Асрор Алиқулов қўйилди.

Эслатиб ўтамиз, ўтган йилдан бошлаб Ўзбекистон Кубоги мусобақаси янги форматда, яъни барча тўқнашувлар бир ўйиндан иборат ҳолда ўтказилмоқда. Ҳар бир босқичга эса алоҳида қуръа ташланиб, мезбон жамоа ҳам айнан кўр-кўрона ўтказиладиган қуръада аниқланмоқда. АГМК ўтган йили янги форматда ўтказилиши бошланган мазкур мусобақа ғолибига айланганди. АГМК ўтган мавсум Ўзбекистон Кубоги доирасидаги барча ўйинларда ғалабани тантана қилди. Жорий мавсум ҳам АГМК Лига Кубогида зафарли юришларини давом эттирмоқда. Ўзбекистон Кубоги ғолиби сифатида эса биз жорий мавсумдаги мусобақага нимчорак финалдан қўшилдик. "Машъал" эса ўтган раунддан бошлаб ишга киришган. Улар Қашқадарё дербисида "Шўртан" (5:3) устидан қозонилган ғалаба эвазига нимчорак финал масаласини ҳал этишган.

Ўзбекистон Кубоги.
3 август, шанба.
АГМК - "Машъал" (20:00)
Олмалиқ шаҳри, ОКМК "Марказий" стадиони.