Абубакр Мўйдинов: "Пахтакор"га шу куни 3тадан кўпроқ гол уришимиз мумкин эди"
03 авг 2023 10:20
Янгиликлар

Абубакр Мўйдинов: "Пахтакор"га шу куни 3тадан кўпроқ гол уришимиз мумкин эди"

"Динамо" жамоасига ёзги трансферлар вақтида келиб қўшилган Абубакр Мўйдинов Ўзбекистон кубогида "Пахтакор"га қарши дебют учрашувини ўтказди.

Ярим ҳимоячи шу куни жамоасининг голларидан бирига муаллифлик қилди. Ўйиндан сўнг унинг фикрлари билан қизиқдик.

"Пахтакор" билан учрашувга тўхталадиган бўлсам, Самарқандда ажойиб оқшом гувоҳига айландик. Мухлислар ҳам стадионда ажойиб муҳит яратишди. Уларга миннатдорчилик билдираман. Майдонда кимга қарши ўйнашимизни билар эдик ва шунга яраша тайёргарлик кўрдик. Натижани эса барча кўриб турибди.

Вадим Абрамов рақибнинг хатосини кутишимизни ва дарҳол олдинга чиқиб жазолашимизни айтганди. "Пахтакор" мудофаа чизиғидаги бўшлиқлардан фойдалана олдик. Биринчи бўлимдаги 3та голдан ташқари шу куни яна уришимиз ҳам мумкин эди. Ўзимда ажойиб вазият юзага келди. Нима ҳам дердим, насиб қилмаган экан. Иккинчи бўлимда бўшашимиз мумкин эди. Озгина эътиборни йўқотдик ва 2та гол ўтказиб юбордик. Сўнгги дақиқагача барча саросимада бўлди",- дейди Абубакр Мўйдинов.

Ҳавола :

Манба : championat.asia

Янгиликларни Телеграмда ўқинг!

Рейтинг: -3