Абрахам Моуриньюдан бирор марта мақтов эшитмаганини айтди

24 ёшли футболчи ўтган ёзда "Челси"дан 34 миллион фунт стерлинг эвазига "Рома"га ўтганди.

Ҳужумчи Италиядаги илк мавсумида барча мусобақаларда 53 ўйинда 27 та гол уришга эришди.

Шунингдек, у "Рома" билан Европа Конференциялар лигасининг илк чемпионлигини қўлга киритишда ажралмас рол ўйнади.

Aммо яқинда Aбрахам Моуриньюдан ҳеч қандай мақтов эшитмаслигини айтди.

Daily Mail нашрига берган интервьюсида у шундай деди: "Моуриньо футболчиларни бошқариш бўйича энг яхши мураббийлардан бири саналади.

У ўйинчилар билан қандай гаплашишни билади. Масалан, у менга қанчалик яхши ҳаракат қилаётганимни ҳеч қачон айтмайди".