UZ

Сўнгги янгиликлар

10:00Салоҳ АПЛ чемпионлигига асосий даъвогар жамоа номини айтди  1 09:32Украиналик футболчи учун курашда "Бенфика" ютиб чиқди  0 08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  1 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  26 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  22 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  52 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  8

Абдулатиф Абдуқодиров: “Мураббийларнинг алмашавериши натижага таъсир қилди” Янгиликлар

Абдулатиф Абдуқодиров: “Мураббийларнинг алмашавериши натижага таъсир қилди”

Иккинчи даврада “Андижон” сафига келиб қўшилган Абдулатиф Абдуқодиров бир нечта голларга муаллифлик қилиб, жамоаси учун фойдали трансферлардан бирига айланди.
Бунгача “НБУ-Осиё”да ўйнаб келган 27 ёшли ҳужумчи олий лигага қайтиб, бу ерда ҳам ўзини кўрсатишни бошлади. Натижада уни келаси йил ўз таркибида кўришни хоҳловчи клублар сони ортиб бормоқда. Футболчининг ўзи билан суҳбатлашиб, мавсум якуни ва келгуси режаларини билишга қизиқдик.

- Афсуски “Андижон” олий лигани тарк этди. Тўғриси, иккинчи даврада жамоага келаётганимда элитада қолишимизга 80 фоиз ишонгандим. Лекин бир қатор муваффақиятсиз ўйинлар натижасида кучлилар сафини тарк этдик – дея гап бошлади Абдуқодиров.

- Бунга нима сабаб бўлди деб ҳисоблайсиз?
- Жамоада яхши йигитлар йиғилган. 70 фоиз маҳаллий ўйинчилардир. Албатта бу таркиб билан олий лигада қолишни уддаласа бўларди. Бироқ мураббийларнинг алмаштирилиши салбий таъсир ўтказди. Футболда бу нарса муҳим саналади. Энди янги мураббийнинг ўйин услубига мослашиб бораётганида, яна ўзгариш қилиниши ўйинчиларга ҳам таъсир ўтказмасдан қолмайди. Лекин мураббийларнинг бирортасини ҳам бу билан айбламоқчи эмасман. Уларнинг ҳар бирини ўзига яраша иш услуби бўлади. Унга кўникиш учун вақт керак. Афсуски вақт бизни кутиб турмасди. Яна шуни ҳам айтиш жозики, биринчи даврада жамоа атига 4 очко йиғганди холос. Биз футболчилар имкон қадар жамоани кучлилар сафидаги ўрнини сақлаб қолиш учун астойдил ҳаракат қилдик.

- Жамоа турнир жадвалида сўнгги поғонани банд этганидан кейин “Андижон”га ўтганингиздан афсусланмадингизми?
- Йўқ, сира ҳам афсус чекмадим. Аксинча бу ерда ўйнаб, яна аввалги спорт формамга кириб бордим. Қолаверса “Андижон”даги фаолиятим ёмон кечмади ва шу тариқа олий лиганинг бошқа клубларининг эътиборга тушдим.

- Ҳа айтганча, сизга билишимизча “Қўқон-1912” билан “Машъал” жиддий қизиқиб қолган экан. Шу ростми?
- Худога шукур, таклифлар йўқ эмас. Ҳозир эркин агентман. Насиб қилса келгуси мавсумни ҳам элитада ўтказмоқчиман. Шу боис таклифларни кўриб чиқяпман. Якуний қарорга келсам, дарҳол сизга етказаман.

- “Андижон”да ўтказган ярим мавсумингиз ҳақида нима дейсиз?
- Андижонда халқ футболни жуда ҳам севади. Мухлислар хатто машғулотларимизга ҳам ташриф буюриб, далда бўларди. Албатта бу каби холат ҳар қандай футболчига завқ бағишласа керак. Агарда иккинчи босқичда ҳар бир ўйинда ғалаба қозониб, олий лигада қолганимизда бемалол айта оламанки, трибуна тўлиб-тошган бўларди. Фурсатдан фойдаланиб, бизни қўллаб қувватлаб турган барча андижонлик ишқибозларга миннатдорчилик билдириб қоламан. Насиб қилса жамоа албатта яна кучлилар сафига қайтади ва улар истаганидек, юқори ўринлар учун курашади.


Исломбек Рустамбеков суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика